2 Tɛs. 2:12 - Tampulma

¹² Ba naa maga vɛ nyɛ ba se su wuti ti amaa a ka nyɛ ba tusa sɔɔni tum tagna tumi ni, Koosa zi di ba sɛriau a na ba galimsa.

2 Tɛs. 2:12 Marejeleo ya Msalaba

Maak 14:11

Ba funɛ wa nu o sɛm ta chen, ba tusa sɔɔni. Ba fun ŋɔ un di o koti tum chen, ba zi bɔ unu. Judas fun wa li a piili a dɛu nyinbaan di o li Yesu gantɛl.

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Room 1:32

Ba zimu di Koosa funɛ ŋɔ di o deŋlu wa ba naa la tum nan sitiu, amaa ba ha vɛɛn a tum au a ŋɔ di ba naa la tum chen tum tum werewa.

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

1 Kɔr. 13:6

Nara tum tum tagna, nibine naa la daŋni ba, tuha wa zi sɔɔni. Nara ka tum tum were, o tuha zi sɔɔniu.

1 Tɛs. 5:9

Koosa wa fun lisi ya di o na paan a du ya ni a ta ya yɔri, amaa o funɛ lisi yau di o yisi ya a li ya tum tagna ni hali a wa peti ya kunyan Yesu Kristo daha.

2 Tɛs. 2:10

di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.