2 Tɛs. 2:10 - Tampulma

¹⁰ di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.

2 Tɛs. 2:10 Marejeleo ya Msalaba

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Jɔn 5:34

Mu wara nyini chenani nibinsa sɛm mu wɛ se ni. Ma lisi chenani Jɔn sɛm mu wɛ di o suŋi ma, chen ni Koosa zi la ma nyuuna a nyɛ ma.

Room 10:1

Mu niinbisa, mu daŋniu kinkan di Koosa yisi Ju tim ta a li ba tum tagna ni. Muu sumi unu saha maga di o ya chen.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

1 Kɔr. 1:18

Ba naa vɛ Koosa laaboor weri ti Yesu daakakli ti siwi ti wɛ, o wa kpak nyuha ba wati. Ba naa la ya chen tiŋ din dam nyinbaannɛ, amaa ya naa vɛ nyuksi aa tiŋ Koosa, Yesu daakakli ti siwi ti ya Koosa kpok naa o kpa nyɛ ya.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

2 Kɔr. 11:13

Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.

2 Kɔr. 11:15

Sintana koti a tum chen, o wa bɔm wa o tumtumsa chɛrgi ba titi, chen ni ma zi lisiu di ba ya Koosa tumtumsiwa. Koosa wa di ba sɛria, o zi na ba galimsau a ta ba yɔri.

2 Kɔr. 2:15

Ya nara biksi nɔ sɔɔni Koosa tuha kinkan. Ba naa nu o laaboor weri ti Kristo wɛ, Koosa la yisi ba a li ba tum tagna ni ba tiŋ un. Ba naa vɛ nu un, Koosa zi na ba galimsau a ta ba yɔri.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

2 Tɛs. 2:12

Ba naa maga vɛ nyɛ ba se su wuti ti amaa a ka nyɛ ba tusa sɔɔni tum tagna tumi ni, Koosa zi di ba sɛriau a na ba galimsa.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

1 Tim. 2:4

domi o daŋni o yisi nara magwa a li ba tum tagna ni baa tiŋ un a wa zim o wuti ti.

Ju 3:13

Chendaha maa kpami dɔŋa wuzu kama, chen ni ma nidigi wa zi nyɛ sintana nyɛ ma se kpok a kimur ma maa tum tum tagna. Koosa koti a suŋi ya lalaknɔ, amaa wuzu digi o wuzu suŋi ti wa peti.

2 Pita 2:12

Amaa nara nama chi sela zenewa a naa nyɛn dooni nara zi kpaksi a kpu. A wara lisi a chi nibinsa. Kin nawara ba vɛ zim a munwa, ba pini. Chendaha Koosa gbanko zi chɔk bau a chi sel na chɔk chen.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.