2 Tɛs. 1:8 - Tampulma

⁸ Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

2 Tɛs. 1:8 Marejeleo ya Msalaba

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Jɔn 3:19

Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

Jɔn 8:19

Ba fun pɛɛsi un, “Leene ya i nyan ti bar nyɛni?” Yesu fun ŋɔ ba, “Ma wa zim chenani mu du. Chendaha ma vɛ zim chenani mu nyan ti duuli. Ma fu zim min, chen fu zi nyɛ ma nyinbaanu ma zim mu nyan ti.”

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 10:16

Amaa nara maga ha wa la nɔɔni Koosa laaboor weri ti ni. O witiina Azaaya funɛ sɔbiu, “Mu kunyana, Ju tim tama la nɔɔni sɛm naa i fun kpa a du ya nisi ni.”

Room 15:18

Mu daŋni mu ŋɔ nara duŋduŋnɛ chenani Kristo fun suŋi min di ba naa vɛ ya Ju tima wa tiŋ Koosa nɔ. A li mu sɛma awa mu tuma,

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 6:16

Ma wa zim di ma kpa ma titi a nyɛ nandigi ni, ma burgi o yosawaa? Ma kpa ma titi a nyɛ tum tagna ni, Koosa zi ta ma yɔriu. Ma ka kpa ma titi a tiŋ o nɔ, o wa zi bu na ma galimsa.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

2 Kɔr. 10:5

a lisi chenani nara zer ba titi a vɛ zim Koosa a ta. Ya kpa o kpokre a biksi ba, chen ni ba zi burgi a tiŋ Yesu Kristo nɔu awa ba bambe ni.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 4:8

Saha digi ma wa fun zim Koosa. Ma waa funɛ zaami a tiŋ kin naa chi a ya Koosarɛ. A wa ya Koosa hali tama.

1 Tɛs. 4:5

Ma ta daŋni nihaana yɔri yɔri a chi ba naa vɛ zim Koosa.

Ju 10:27

Ya tiŋ chen nyinbaan, ya zi ɔmu kinkan chenani Koosa zi kpa ya a gbaari ba naa maga vɛ un ni a na ya galimsa a ta ya yɔri. Chenani o zi na paan a du ya ni zi chi chenani din yaa di kina chene.

Ju 10:30

Ya zim chenani Koosa bambi du awa chenani ba fun sɔbi a li o sɛm tɔn ti ni di o ŋɔ, “Mu zi bɔ ba naa la tum tum tagnau.” Ba fun bukoo sɔbi di o ŋɔ, “Mu titi zi wa di mu nara sɛriau.”

Ju 11:8

Baal digirɛ ba funɛ yir Abraham, o si fun su Koosa. Koosa funɛ yir un, o fun a tiŋ o nɔ a gba a la pulum naa Koosa fun vɔu di o nyɛ un chen. O funɛ li o titi tɔhɔn ti ni, o wa fun zim doonani Koosa kpa un a la.

Ju 12:29

Wuti ya Koosa chi din naa koti a wa kpa kina maga a ta a yɔri.

Ju 2:3

Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 3:6

Nihaan digi funɛ nyɛn doon. Ba yir un Sara. Waa funɛ di tula chen ni. O fun a tiŋ o baal Abraham nɔ aa yir un o kunyana. Maa tum tum were a vɛ ɔm wu digi, ma waa chi o lul bisa.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.

Juud 1:7

Ma gbanko lisi tɔsi naa ba yir Sɔdɔm awa Gamɔra awa tɔsi naa go a saha digi. Ba naa funɛ nyɛn dooni yau a chi Koosa malaikasi ta yaali. Ba fun a tum chɔkumsi tuma ka nibaala daŋni nibaala. Koosa fun kpa din naa vɛ kpak bɔ a kpa ba du a lɛrgi ba diŋsa kinkan. Nan la biksi ya di ya ta tiŋ chenani ba tiŋi.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”