2 Tɛs. 1:5 - Tampulma

⁵ Koosa wa wa di o wa di tɛɛnɛ nɔ tim maga sɛria wa wuti, o zi wa ŋɔ di ma wa zu o koor ti, domi namsi naa ma namsi nan daha.

2 Tɛs. 1:5 Marejeleo ya Msalaba

Luk 20:35

Ba wa siti, Koosa zi wa lɛli ba naa o fun lisi a nyɛ o titi niu a li ba sou ni a nyɛ ba o mi fali naa vɛ kpak bɔ. Chen nibaali ta wa zi kpa chen nihaani ta.

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Room 2:5

Amaa i si kpoku kinkan. I tuha wa zi chɔk i tum tagna daha. I tum tum tagniwa aa chiŋsi. Koosa wuzu wa tel di o wa di hin sɛria wa wuti, o zi na paanu kinkan a du hin ni a lɛrgi i diŋsa a gbaari.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Filip. Tima 1:28

Ma ta ɔm ma dɔma hali tama. Nan la zi biksi ba di Koosa titi zi wa na ba galimsau a ta ba yɔri, a biksi ma di o zi yisi mau a li ma tum tagna ni hali o wa peti.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

1 Tɛs. 2:14

Mu niinbisa, kin nawara funɛ ya Koosa nitiŋɛ ba naa funɛ nyɛn Judia pulum ni a tiŋ Yesu Kristo chen, chen vɛɛna ya ma doon gbanko chen ni. Ma titi nara funɛ muksi ma kinkan a chi Ju tima funɛ muksi Yesu nitiŋɛ ta a li Judia pulum ni.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

2 Tim. 2:12

Ya di ya namsi maga, wuzu digi ya wa un zi wa ya koorsau. Ya vɛ un, o gbanko zi vɛ yau.

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 3:4

Ma naa nyɛn Sardis ni, bɔnɛ ha wa tum tum tagna naa nyɛ ma tusa doŋ. Mu zi nyɛ ma kipilimau ma laari a nyɛ ma wa min lagmi dɔŋ ni chenani ma ya chen daha.