2 Tɛs. 1:10 - Tampulma

¹⁰ A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

2 Tɛs. 1:10 Marejeleo ya Msalaba

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 24:36

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Mat. 7:22

O wa wa di o wa di tɛɛnɛ nɔ maga sɛria, nidamata zi wa ŋɔ minu ‘Ya kunyana. Ya funɛ biksi nara Koosa laaboor weri ti wɛ a li i sɔn daharɛ. Ya gbanko funɛ kpa i sɔnnɛ a duŋni alizin tagna a ta nara ni a la tum alaazibu tuma kinkan.’

Luk 10:12

Maa nu mu sɛm na. A wuzu naa Koosa kaa wa di tɛɛnɛ nɔ maga nara sɛria, o zi wa kpak Sɔdɔm tima sikiu a kaali tɔhɔn ti tima.”

Jɔn 11:4

Yesu funɛ nu laaboor ti, o fun ŋɔ ba naa kani o wati chen, “Lazarus fu kaa sou, o fu wa zi vusi nan. Chenani o du un ni chen zi nyɛ nara kinyɛ Koosa awa o be jirimau kinkan.”

Jɔn 17:10

Mu nara maga ya i narawa. I nara maga ka ya mu nara. Chenani ba tiŋ min biksi nara di mu kpak jirima kinkan.

1 Kɔr. 1:6

Chenani ma fun nu Yesu Kristo wɛ chen zu ma bambe niu nɛnɛ,

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

Gal. 1:24

Ba fun a pɛgi Koosa mu daha.

Ɛfɛ. 1:12

Ma nyɛ ya naa te kpak bambi bɛgim Yesu Kristo ni, pɛgi Koosa naa kpak jirima kinkan.

Ɛfɛ. 1:14

Koosa nyɛ o siim weri tirɛ ya o purigiri bɔɔli. Chendaha ya zim di o zi la ya nyuunau a nyɛ ya hali o wa peti a chi o funɛ vɔu chen. Ma nyɛ ya pɛgi un nan daha.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 1:6

Koosa funɛ suŋi yau a kaali chenani o daŋni. Ma nyɛ ya pɛgi un o funɛ kpa o be daŋni a nyɛ ya yɔri chen.

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 3:10

a kpa a li gbampulim lalaknɔ, chen ni Koosa nitiŋɛ ta zi biksi siim kpoka awa kpok a naa maga nyɛn o tɔhɔn ti niu chenani o zima ti tum a kurgi.

Ɛfɛ. 3:16

Koosa kpak jirima awa chaani kinkan. Chendaha muu sumi unu di o nyɛ o siim weri ti lisi a li o kpok ti ni a du ma bambe ni,

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

1 Tɛs. 2:1

Mu niinbisa, ma titi zimu di ya funɛ nyɛn ma wati, ya tusa funɛ sɔɔni awa chenani ya tumu.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

2 Tɛs. 1:12

Ma tiŋ chen nɛnɛ, ya kunyan Yesu sɔn ti zi na jirimau ma daha, ka ma gbanko kaa na jirima, domi ma wa un ya nibɛgimnɛ. Ya Koosa awa ya kunyan Yesu Kristo kisuŋi ma ma nyɛn chen.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.