2 Kɔr. 9:6 - Tampulma

⁶ Ma zimu di niparɛ du kin tama, o zi kum tamau, amaa o du kidamata, o zi kum kinkanu.

2 Kɔr. 9:6 Marejeleo ya Msalaba

Luk 6:38

Maa nyɛ ma dɔŋtima kina nawara ba daŋni, chen ni Koosa zi nyɛ ma gbanko kina nawara ma daŋniu. Koosa kpa o kina a nyɛ ma, o wara nyɛ ma kilok. O ka ya nyɛ mau a su hali a la gali. O zi tiŋ chen nyinbaanu a chi chenani maa tiŋ ma dɔŋtima chen.”

1 Kɔr. 1:12

Ma amɔrɛ ti biksi di ma wa tiŋ nyinbaan bɛgim. Ma bɔnɛ ŋɔ di maa tiŋ Pɔɔllɛ, bɔnɛ Apɔlɔs, bɔnɛ Sifas, bɔnɛ ka ŋɔ di maa tiŋ Kristore.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

1 Kɔr. 7:29

Mu niinbisa, wu namsɛ saha duglɛu. Nan daha ma naa kpak haanasa, ma nyɛn a chi ba wa kpak haanasa.

2 Kɔr. 9:10

Koosa kpa kiduha aa nyɛ niparɛ ni di ba du, chen ni a zi nyɛ ba diweu. Chen vɛɛna, o yaa lisiu a li o kin ni a nyɛ ma a gbaari, chen ni ma zi kotiu a suŋi ma dɔŋtima.

2 Kɔr. 9:5

Chendaha mu fun te tum ya niinbisa na ya suwachak ni, chen ni ba zi wa suŋi mau ma saksi papaha naa ma fun vɔu di ma nyɛ ya chen a chiŋsiu. Ya wa pu ma, a zi vaan chiŋiu a pɔ ya. Chen la zi biksi ya di ma nisa wa zuk, amaa ma nisa ka fuŋsɛu wa ma nyɛ ya.

Gal. 3:17

Mu daŋni mu ŋɔ mau di Koosa awa Abraham funɛ ya nɔ bɛgimnɛ, ka Koosa fun vɔu di o zi dɛɛsi unu. Bun kɔksa naasi awa fumtora gantɛl ni, Koosa funɛ kpa o chiksɛ ta a nyɛ Mosis ni. A wa fun koti a chɔk chenani Koosa wa Abraham fun ya nɔ bɛgim awa o vɔwi ti.

Gal. 5:16

Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

Kɔl. 2:4

Mu biksi ma nan, chen ni nandigi wa kpa sɛm naa chi wuti a sɛm ma, o wa zi koti a mur ma.

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.