2 Kɔr. 8:8 - Tampulma

⁸ Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

2 Kɔr. 8:8 Marejeleo ya Msalaba

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

1 Kɔr. 7:12

Mu ŋɔ nannɛ a nyɛ mu dɔŋtim ta ni. Nibaal naa ya Yesu nitiŋi aa kpak haan naa vɛ ya Yesu nitiŋi, ka ba lagmi nyɛn wa dɔŋ ni ka chen wer wa haan ti ni, o baal ti ta duŋni un taali. Mu titi zima nɛɛ mu ŋɔ nan. Ya kunyan ti laata ŋɔ.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

1 Kɔr. 7:6

O wa ya Koosa chiksi kpokre di nibaal kpa haan,

2 Kɔr. 6:6

Chenani ya ya bambi chaanɛ tima a zim Koosa nɛnɛ a kpak kanyita wa nara ni a ya jɛrgɛ tima, a kpak o siim weri ti a li ya bambe ni a la daŋni ya dɔŋtima wa tu bɛgim ni,

2 Kɔr. 8:10

Ta lɛm nɛɛ mu ŋɔ ma kin nama wɛ. Bunaani ma kpak un ma bambe ni a piili a pa ma kin ta a nyɛ Taitus ni. Lalaknɔ ma pa a petiu. Ma waa funɛ ya nitele a lisi a vɛɛn piili.

2 Kɔr. 8:24

Ba wa tel, ma la ba a du a nyɛ ba zim di maa daŋni bau. Ma ya chen, Yesu nitiŋɛ ba naa funɛ tum ba, zi la nɔɔniu di ma waa ya ya jirima nara.

2 Kɔr. 9:2

Mu zim di ma daŋni ma suŋi bau. Mu funɛ ŋɔ Yesu nitiŋɛ ba naa nyɛn Masɛdonia pulum ni, di ba niinbisa ba naa nyɛn Girik tim pulum ni, funɛ piiliu a saksi ba papaha ti bunaani. Ba funɛ nu chenani ma kpak un ma bambe ni di ma tum nan, ba nidamata fun saksi ba papaha gbanko.

2 Kɔr. 9:7

Ma maga kpa chenani ma lisi di ma nyɛ ya. Ma ta nyɛ ma nisa zugi a li ma papaha ti nyɛɛli ni. Ba naa la nyɛ awa nin fuŋsɛ ni yaa sɔɔni Koosa tuha kinkan.

Ɛfɛ. 4:15

O lawa ya mak nibaalu, chen ni ba wa zi bu muksi ya. Yesu Kristo ya ya nyuhu tiina. Ma nyɛ yaa daŋni dɔŋa a kisɛm dɔŋa wa wuti. Ya ya chen a gbaari, ya zi chi unu.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Ju 10:24

Ma nyɛ ya kpami ya dɔŋtima di ya maga kidaŋni dɔŋa a kitum tum were a nyɛ dɔŋ ni.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.