2 Kɔr. 8:23 - Tampulma

²³ Nandigi wa pɛɛsi ma nara nama wɛ, ŋɔ ba di mu wa Taitus la tum tum bɛgim. Ma bu ŋɔ ba di Yesu nitiŋɛ ba naa nyɛn bar kurgɛ ni, funɛ lisi nara balɛ ta di ba wa chiŋi ba bar chiŋɛ ni. Ba tuma la nyɛ Yesu Kristo wa jirima kinkan.

2 Kɔr. 8:23 Marejeleo ya Msalaba

Luk 5:10

O chɛnsa ba naa funɛ wa suŋi un chen, sɔna funɛ ya Jems awa Jɔn, Zɛbɛdi bisa. O fun ya ba gbanko alaazibu kinkan. Doone Yesu fun ŋɔ Simɔn, “Ma ta ɔmi. Ma tum ya nyinsa kpaksirɛ hali wa zinan, amaa lalaknɔ mu kpa tum falirɛ a nyɛ ma di ma nyɛ nara wa a wa tiŋ min.”

Luk 5:7

Simɔn fun vaan yir o chɛnsa di ba zu arŋ kinkin ti a wa suŋi un lalaga. Ba funɛ wa lagmi dɔŋ ni, ba fun luksi nyinsi ta a su arŋsa lɛ ta a daŋni a lim.

Jɔn 13:16

Ma nu mu sɛma nɛnɛ. Yom wa to a zen a kaali o kunyana. Nitumi wa to a zen a kaali naa tum un.

1 Kɔr. 11:7

O wa werwa nibaal tɔ o nyuha, domi o ya Koosa chɛmsarɛ a biksi chenani o kpok ti jirima du. Nihaan ya o baal chɛmsarɛ a biksi chenani o kpok ti jirima du.

2 Kɔr. 12:18

Mu funɛ sumi Taitusu di o la ma wati. O fun la nɔɔni, mu fun tum o wa ya niinbe digi ma wati. Taitus funɛ di mauu? Ma wa zim di chenani mu wa Taitus bambe lisi awa chenani yaa tum, ya kibɛgimnɛɛ?

2 Kɔr. 7:6

amaa Koosa naa la belimi ninamsɛ chen, waa funɛ tum Taitus di o wa kpami ya.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

2 Kɔr. 8:18

Ya funɛ tum ya niinbe digirɛ awa un di ba wa ma wati. Yesu nitiŋɛ ta maga nyɛ un jirima kinkan, domi o funɛ biksi nidamatiwa Koosa laaboor weri ti wɛ.

2 Kɔr. 8:19

Ba funɛ lisi unu di o wa ya kpa ma papaha ti a la nyɛ Yesu nitiŋɛ ba naa nyɛn Judia pulum ni. Nan la zi nyɛ ya kunyan ti wa jirima a biksi nara di yaa daŋni ya suŋi bau.

2 Kɔr. 8:22

Ya gbanko tum nara balɛ tiina di o wa ma wati. O wa ba lagmi a kaali. Ya funɛ zaamsi unu bu damata a zim di o kpak unu o bambi ni di o suŋi ya a li ya tum ni. O zimu di mu si su mau kinkan. Chendaha o kpak un o bambi ni a gbaari di o wa suŋi ma kinkan.

2 Kɔr. 8:6

Chendaha yaa sumi Taitus naa piin piili di o la ma papaha ti, di o suŋi ma a kpa o maga a nyɛ un. Mu zimu di maa ya nannɛ, domi maa daŋni ma suŋi ma dɔŋtimwa kinkan.

Filip. Tima 2:25

Mu lisi di o deŋlu di mu tum ya niinbe Ɛpafrodaitus ma wati lalaknɔ. Ma funɛ tum unu di o wa suŋi min. O funɛ kpaŋi o titiu kinkan di o wa min kitum bar nɔ nɛnɛ.

Filip. Tima 4:3

Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

Kɔl. 1:7

Ɛpafras funɛ biksi ma laaboor weri ti. O wa ya waa ya Kristo tumtumsa. Oo tum Kristo tumwa wa wuti ni a nyɛ ya. Yaa daŋni unu kinkan.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Faili. 1:17

I wa min lagmɛɛ a tum Koosa tuma. Chendaha i la un a du a chi chenani i la min chen.

Faili. 1:24

Maak, Aristakus, Dimas awa Luk gbanko zaami hinu. Ba wa min la tum Koosa tuma.

3 Jɔn 1:8

Chendaha o weru wa yaa suŋi nara timau. Yaa suŋi dɔŋa chen ni, ya wa ba la biksi nara Koosa wɛ.