2 Kɔr. 8:12 - Tampulma

¹² Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

2 Kɔr. 8:12 Marejeleo ya Msalaba

Mat. 25:17

Tumtum naa funɛ la sidi tusugsa lɛ chen, funɛ kpa au a na nyɔɔra sidi tusugsa lɛ.

Mat. 25:22

Tumtum naa funɛ la sidi tusugsa lɛ chen, o fun wa o suwachak a ŋɔ un, ‘Mu kunyana, i funɛ kpa sidi tusugsa lɛwa a nyɛ min. Mu ka gbaari sidi tusugsa lɛ.’

Luk 16:10

Nar si su a li kin tam naa Koosa nyɛ un, o si gbanko zi su kidamatau. Nar si vɛ su a li kin tam naa Koosa nyɛ un, o si gbanko ka wa zi su kidamata.

2 Kɔr. 8:11

Ma la a la peti chenani ma fun piili. Ma funɛ piili wa si sɛm nɛ. Ma vɛɛn peti un wa si sɛm ni a nyɛ chenani ma zi koti.

2 Kɔr. 8:13

Mu wara daŋni mu nyɛ o bɔm ma wati, a vɛ bɔm ba naa ma suŋi chen wati.

2 Kɔr. 8:19

Ba funɛ lisi unu di o wa ya kpa ma papaha ti a la nyɛ Yesu nitiŋɛ ba naa nyɛn Judia pulum ni. Nan la zi nyɛ ya kunyan ti wa jirima a biksi nara di yaa daŋni ya suŋi bau.

2 Kɔr. 9:7

Ma maga kpa chenani ma lisi di ma nyɛ ya. Ma ta nyɛ ma nisa zugi a li ma papaha ti nyɛɛli ni. Ba naa la nyɛ awa nin fuŋsɛ ni yaa sɔɔni Koosa tuha kinkan.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.