2 Kɔr. 8:10 - Tampulma

¹⁰ Ta lɛm nɛɛ mu ŋɔ ma kin nama wɛ. Bunaani ma kpak un ma bambe ni a piili a pa ma kin ta a nyɛ Taitus ni. Lalaknɔ ma pa a petiu. Ma waa funɛ ya nitele a lisi a vɛɛn piili.

2 Kɔr. 8:10 Marejeleo ya Msalaba

Mat. 10:42

Maa nu mu sɛm na. Nar kpa ni sɔɔni a nyɛ bichɛl tiin ni di o tiŋ min daha, Koosa zi sir nyɛ un o papahau wuzu digi.”

Jɔn 11:50

Ya wara daŋni di Roman tim ta wa kpu ya maga. Ma nyɛ baal nɔ chiŋi ya maga bar chiŋi ni a sou nyɛ ya.”

Jɔn 16:7

Ma nyɛ mu sɛm ma wuti. O deŋlu di mu gil ma a bur la mu nyan ti wati, chen ni mu zi nyɛ o siim weri ti wa suŋi mau. Mu vɛ laali, o wa zi koti a wa.

Jɔn 18:14

Kaifas funɛ ya naa funɛ te ŋɔ Ju tim ta ni di o deŋlu wa Yesu chiŋi ba maga bar chiŋi ni a sou nyɛ ba.

1 Kɔr. 10:23

Ma bɔnɛ yaa ŋɔ dɔŋ ni, “Ya kpak nyinbaanu wa yaa ya kina maga ya daŋniu.” Amaa kina maga laata la suŋi ya di ya tiŋ Koosa aa gbaari.

1 Kɔr. 16:2

Aleedi wuzu kam, ma maga yaa zer kinkin naa maa daŋni ma la a li kinkin naa Koosa nyɛ ma chen aa dau. Maa ya chen, mu wa wa ma zi la petiu.

1 Kɔr. 6:12

Ma bɔnɛ yaa ŋɔ dɔŋ ni, “Ya kpak nyinbaanu ya ya kina maga ya daŋniu.” Amaa mu ŋɔ ma di kina maga la ta wer wa ya. Ya wa zi la nɔɔni a nyɛ kin nama dɔ ya.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

1 Kɔr. 7:40

Mu wati, o gil baal yuuli, o tuha zi sɔɔniu a kaali o yu baal. Mu la sɛm nan, mu lisu di Koosa siim weri ti biksi min.

2 Kɔr. 12:1

Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

2 Kɔr. 8:6

Chendaha yaa sumi Taitus naa piin piili di o la ma papaha ti, di o suŋi ma a kpa o maga a nyɛ un. Mu zimu di maa ya nannɛ, domi maa daŋni ma suŋi ma dɔŋtimwa kinkan.

2 Kɔr. 8:8

Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

2 Kɔr. 9:2

Mu zim di ma daŋni ma suŋi bau. Mu funɛ ŋɔ Yesu nitiŋɛ ba naa nyɛn Masɛdonia pulum ni, di ba niinbisa ba naa nyɛn Girik tim pulum ni, funɛ piiliu a saksi ba papaha ti bunaani. Ba funɛ nu chenani ma kpak un ma bambe ni di ma tum nan, ba nidamata fun saksi ba papaha gbanko.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.