2 Kɔr. 6:8 - Tampulma

⁸ Nara nyɛ ya jirimarɛ aa nyɛ ya na hiisa. Ba pɛgi yau a la pini ya zoma. Ya sɛm sɛm wutɛu, amaa ba ŋɔ di ya ya nusun timwa.

2 Kɔr. 6:8 Marejeleo ya Msalaba

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Maak 12:14

Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Jɔn 7:12

Nidamata funɛ nyumsi a sɛm o wɛ. Bɔnɛ fun ŋɔ di o ya narrɛ. Bɔnɛ ka ŋɔ di o mur narawa.

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Tuma 16:39

Ba fun si a la ŋɔ Pɔɔl awa Sailas ni di ba gil ba tum tagna a nyɛ ba. Doone sɛria nidiile ta fun te ba suwachak a li dɛ ti ni a sumi ba di ba li ba tɔhɔn ni.

Tuma 22:12

“Baal digi funɛ nyɛn doon ba yir un Ananias. Waa yaa funɛ jɛɛmi Koosa wa wuti ni aa tiŋ ya chiksɛ ta nɛnɛ. Ju tim ba naa maga nyɛn Damaskus ni, funɛ nyɛ un jirima kinkan.

Tuma 24:5

Pɔɔl nɔ chiŋɛ i suwachak ni nan, yaa muksi ya narau a huusi ma Roman tima ma naa dɔ ya. Doonani maga o la, ka Ju tim ta nyɛn, o yaa nyɛ tɔhɔn ti damu. O gbanko ya ba naa la tiŋ Nazarɛt nar, nidigi nyuhu tiinnɛ.

Tuma 28:22

Ya zimu di ba naa nyɛn bawu maga ni ka ba sɛm sɛm tagna a du ba naa wa hin la tum tum ni. Chendaha ya daŋni ya nu chenani i lisi.”

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

Tuma 5:13

Ba naa vɛ ya Yesu nitiŋɛ ta funɛ ɔm di ba wa ba lagmi dooni, amaa Jɛrusalɛm tim ta funɛ nyɛ ba jirimau.

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Room 3:8

O ya chen, ya zi kotiu a ŋɔ ma nyɛ ya tum tum tagna, chen ni tum were zi li a niu. Nara bɔnɛ fun a chɔk mu sɔn a ŋɔ di mu sɛmu, amaa ba sɛma wa fun ya wuti. O deŋlu di Koosa zi na ba galimsau a ta ba yɔri.

2 Kɔr. 1:18

Koosa ya mu sɛhɛra tiina di mu wa ya chen tiina. Mu ya nibine naa ya wuti tiinnɛ.

2 Kɔr. 11:21

Ya wa ma funɛ nyɛn, Koosa wa fun nyɛ ya bambi kpoka di ya ya chen a nyɛ ma. Baa daŋni sɔna, mu gbanko zi ya womu a tum chen.

2 Kɔr. 12:16

Ma zimu nɛnɛ di mu funɛ nyɛn ma wati, mu wa funɛ nyini ma diwe se ni. Ma bɔnɛ zi buru a ŋɔ dɔŋ ni di mu sɛm ta ya wutirɛ amaa mu nɛɛgiu a mur ma.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

1 Tɛs. 2:3

Laaboor weri naa ya funɛ sɛm ma a la sumi ma di ma nu, o maga funɛ ya wutirɛ. Ya wara daŋni ya suni wɛ di ya mur ma a kidaŋni nyɔɔra ma daha.

1 Tim. 3:7

O lawa ba naa vɛ zim Koosa, kinyɛ un jirimau, chen ni sintana wa zi wa mo o lo o di hiisa.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

Ju 13:13

Ma nyɛ ya la pu un dooni ya wa un bɔni o hiisa.

1 Pita 4:14

Nara pini ma zoma maa tiŋ Kristo daha, ma gbanko nyɛ ma tusa sɔɔni. Nan biksi ma di Koosa funɛ kpa o siim weri naa kpak o jirima kinkan a du ma bambe ni.

3 Jɔn 1:12

Dimitrius ya nibin werire. Nara maga zimu di oo tiŋ Koosa wuti nyinbaannɛ nɛnɛ. Mu titi ŋɔɛɛ di o ya nibin werire ka i zim di mu sɛm ya wutirɛ.

JɔnN Deesi 3:9

Ma nu mu wati. Ba naa ŋɔ ma di ba ya Ju timwa a ya nusun tima, sintana dɔ ba. Mu zi nyɛ ba wa gbiri ma suwachak niu a nyɛ ma jirima, domi ba zimu di mu daŋni mau.