2 Kɔr. 6:5 - Tampulma

⁵ Ba yaa fun tuksi yau a tɔ ya dɛ. Tɔhɔn dami yaa funɛ li ya nɛɛ. Ya yaa funɛ tumu hali a wa gbarigi a gil ya diwe awa ya do.

2 Kɔr. 6:5 Marejeleo ya Msalaba

Mat. 14:10

Ba fun kaali doonani ba fun tɔ Jɔn dɛ chen a la tɛŋ o nyuha,

Mat. 14:3

Hɛrɔd fun a kpa o titi niinbe Filip haan. O haan ti sɔn funɛ ya Hɛrɔdias.

Mat. 9:15

Yesu fun burgi a pɛɛsi ba, “Nar kpa haan ka o chɛnsa tusa bu chɔkuu? Aai. Ba wa zi ya chen. Saha naa ba zi wa kpak baal ti a kaali, chen wuzu ba zi wa vɔu nɔnau.”

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 17:5

Ju tima ba naa funɛ ka chen funɛ di handɔta a du Pɔɔl awa Sailas ni. Ba fun lagmi ba naa chiŋi a ya yɔri a li yau ni a nyɛ ba dam tɔhɔn ti. Ba fun lisi di Pɔɔl awa Sailas nyɛn baal naa ba yir Jesɔn dam nɛ a wa chɔk dam ti di ba lisi ba a li zɛmɛ ta suwachak.

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Tuma 23:10

Chenani Farisi tim ta awa Sajusi tima funɛ di amɔrɛ chen wa burgi yo. Hansura funɛ kpak lanjimasi ta nihɛɛ nyuhu tiin ti di ba zi huusi Pɔɔlu. O fun ŋɔ o lanjimasi ta ni ba zu kpak un yo ti bambaan ni a li a bur la zu ba dam kpok ti.

Tuma 23:35

o fun ŋɔ un, “O wa zi vusi ka ba naa la fiksi hin chen wa. Ba wa wa, mu zi di i sɛriau.” O fun ŋɔ o lanjimasi ni di ba kpa Pɔɔl a la tɔ un dɛ a li dam zen naa koor Hɛrɔd fun sa chen ni a la il un.

Tuma 24:27

Filiks funɛ daŋni o sɔɔni Ju tim ta tusau. Chendaha o nyɛ o lanjimasi ta il Pɔɔl a vɛ nyɛ o laali. Bunsa lɛ gantɛl ni, baal naa ba funɛ yir Pɔsius Festus fun burgi gɔbnati nyuhu tiina nihɛɛ a chiŋi Filiks bar chiŋi ni.

Tuma 26:10

Koosa dam kɔkɔɔrsi ta funɛ nyɛ min kpok di mu kpaksi Koosa nara ba naa nyɛn Jɛrusalɛm ni, nidamata a tɔ ba dɛ. Ba funɛ di ba sou sɛria, mu gbanko fun la nɔɔni a nyɛ ba.

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 28:30

Pɔɔl fun la nyɛn nandigi dam ni a la bɔ un dam ti nyuhu ni bunsa lɛ. O fun la ba naa maga wa di ba zaami un a du.

Tuma 5:18

Ba fun wa kpaksi ba maga a tɔ dɛ naa ba kpaksi nibin tagna duŋduŋ a tɔ chen.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 4:11

Lɔsa awa nyɔksa yaa funɛ kpak yau hali wa zinan ni. Ya yaa laari kizɛrgɛwa. Nara yaa funɛ tuk yau. Ya wa fun kpak bar nyɛni a nyɛn aa go.

1 Kɔr. 7:5

Adaha ma ta vɛ dɔŋa. Nibaal awa o haan vɔwɛɛ a ŋɔ di ba ha gil dɔŋa wuzu bilɛ, chen ni ba zi sumi Koosau awa tu kibɛgim ni a bu wa lagmi dɔŋ ni, chen weree. Amaa o vɛ ya chene, ma ta waligi dɔŋ ni, chen ni sintana wa zi koti a zaamsi ma, domi ma wa kikoti a kpak ma titi nɛnɛ.

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Filip. Tima 1:13

Koor nyuhu tiina Siiza lanjimasa ba naa maga la il min awa nidamata a nyɛn bar nɔ, zimu di ba funɛ tɔ min dɛrɛ muu tiŋ Kristo daha.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.

Ju 11:36

Ba fun a mɔmsi bɔnɛ a kpa vurmsa a tuksi ba. Ba ka fun kpaksi bɔnɛ a vɔti ba a la tɔ dɛ.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Ju 13:23

Ma zimu di ba funɛ kpa Timotiu a tɔ dɛ. Ma nu laaboor weriu di ba lisi unu a li dooni. O wa mu wati lalaga, o wa min zi wa lagmi a wa ma watiu.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.