2 Kɔr. 5:15 - Tampulma

¹⁵ O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

2 Kɔr. 5:15 Marejeleo ya Msalaba

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Jɔn 6:57

Mu nyan naa ya mi fali ti tiina, funɛ tum min ma wati. O daharɛ mu nyɛn. Chen vɛɛna, ba naa maga di min nyɛn mu daharɛ.

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 6:2

Aai. Ya wa ya tum tagna wa kpak wu digi wa dɔŋ ni, yɛrɛ ya kaa tum tum tagna aa la?

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 8:10

Kristo nyɛn ma ni, ma bara zi sou ma tum tagna daha. Amaa Koosa wa bu na ma galimsa. Chendaha ma siima kpak o mi fali tiu.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

2 Kɔr. 12:10

Nara pini min a nyɛ mu na namsi a la muksi min kinkan Yesu Kristo daha ka mu vɛ koti a nyini mu titi kpok se ni, mu tuha sɔɔnɛu.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 5:16

Chendaha ya wara bur a di nibinsa sɛria a chi tɛɛnɛ nɔ tim maga. Ya funɛ di Kristo sɛria chene, amaa lalaknɔ ya wa bur a di un.

Gal. 5:25

Koosa siim weri ti funɛ kpa o mi fali ti a nyɛ ya. Chendaha o lawa ya gbanko nyɛ o kpa o kpok tiu a nyɛ ya yaa tiŋ un nɛnɛ.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

Kɔl. 3:1

Koosa funɛ lagmi lɛli ma wa Kristo a li ma sou ni. Chendaha ma nyɛ ma bambe kilisi Koosa tɔhɔn ti kina wɛ. Kristo kanɛ Koosa nihɛɛ bar kani ni dooni.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

Kɔl. 3:23

Ma wa tum a nyɛ nibinsi nɛɛ, amaa ma tum a nyɛ ya kunyan ti nɛɛ. Chendaha ma kpak un ma bambe ni a tum nɛnɛ saha maga.

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.