2 Kɔr. 2:17 - Tampulma

¹⁷ Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 2:17 Marejeleo ya Msalaba

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Tuma 20:20

Mu funɛ biksi Koosa laaboor weri ti a nyɛ ma nara suwachak ni a vɛɛn biksi ma a li ma damsi ni. Kinkin naa la zi suŋi ma wa ka mu vɛ ŋɔ ma.

Tuma 20:27

Kin naa maga Koosa daŋni o tum wa ka mu vɛ biksi ma.

1 Kɔr. 5:8

Yaa tiŋ Yesu, o wa werwa ya bur a tum ya titi tum bunɛ a lisi lise tagna a kitum tum tagna. Ma nyɛ ya kpa a nama maga a ta. A waa chi luri ti. Ma nyɛ ya sɛm wuti duŋduŋ a nyɛ ya tusa chaani nɛnɛ. A waa chi boroboro naa vɛ kpak luri ti.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 1:18

Koosa ya mu sɛhɛra tiina di mu wa ya chen tiina. Mu ya nibine naa ya wuti tiinnɛ.

2 Kɔr. 11:11

Ma lisi di mu la tum nan, mu wara daŋni maa? Koosa zimu di mu daŋni mau kinkan.

2 Kɔr. 12:19

Ma lisi di ya kɔɔri ya sɔniwa ma wati a li tɔn nɔ nii? Chen wa ya wuti. Koosa dɔ ya ya sɔbi sɛm naa Yesu Kristo fun kpa nyɛ ya. Mu bi daŋnɛ, ya tum tagna la zi suŋi ma.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 6:7

a la biksi nara wa wuti a li Koosa kpok ti ni, a nama maga biksi nara di ya ya o tumtumsiwa. Ya chi lanjimasiwa. Koosa nyɛ ya tum tum were a nyɛ un, chen ni ya zi koti a yo ya dɔmau a kok ya titi.

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Ju 11:27

Chenani o si fun su Koosa nyɛ o vɛ ɔm Ijipt tim koora a yisi Ju tim ta a li dooni. O wa fun a bur nyinbaan ti ni. O funɛ chi o na Koosa naa nandigi vɛ koti a naalirɛ.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:20

Amaa wu digirɛ ma vɛ seen a yaali. Nihaan digi nyɛn ma ni ba yir un Jɛzɛbɛl. O ŋɔ di waa ya Koosa nitumɛ ta digi, amaa o biksi ma di ma bur a tum chɔkumsi tuma a kidi vursa diwe. Ma waa la nɔɔni o nyɛn ma wati.