2 Kɔr. 2:13 - Tampulma

¹³ Amaa o funɛ muksi minu kinkan mu vɛ koti a dɛu Taitus dooni. Chendaha mu vɛ nyɛn Troas tima wati a vusi a kaali Masɛdonia pulum.

2 Kɔr. 2:13 Marejeleo ya Msalaba

Maak 6:46

Ba fun kaali ka o ta nara tima nyinbaan ni a kaali kuŋkule nyuuna bar nyɛni di o la sumi Koosa.

Tuma 21:6

Ya fun chausi ba a bu zu arŋ ti ka ba bur kaali dama.

Room 15:26

Ba dɔŋtima ba naa nyɛn Masɛdonia pulum awa Girik tim pulum ni, ba fun lisi di o weru wa ba lagmi ba kin bɔnɛ a kpa nyɛ fara tim ni a li Jɛrusalɛm ni.

2 Kɔr. 12:18

Mu funɛ sumi Taitusu di o la ma wati. O fun la nɔɔni, mu fun tum o wa ya niinbe digi ma wati. Taitus funɛ di mauu? Ma wa zim di chenani mu wa Taitus bambe lisi awa chenani yaa tum, ya kibɛgimnɛɛ?

2 Kɔr. 7:13

Ma waa funɛ kpami ya kinkan a sɔɔni ya tusa. Taitus funɛ ŋɔ ya chenani ma kpami un, ya tusa fun sɔɔni a kaali chenani a fun te sɔɔni.

2 Kɔr. 7:14

Taitus funɛ li bar nɔ di o wa ma wati, ya funɛ ŋɔ unu di ma ya ya jirima narawa. Ma wa fun nyɛ ya na hiisa. Ya ha vɛɛn a sɛm sɛm wutɛwa a nyɛ ma. Chen vɛɛna, chenani ya fun ŋɔ Taitus ni, chen ya wutirɛ.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

2 Kɔr. 8:23

Nandigi wa pɛɛsi ma nara nama wɛ, ŋɔ ba di mu wa Taitus la tum tum bɛgim. Ma bu ŋɔ ba di Yesu nitiŋɛ ba naa nyɛn bar kurgɛ ni, funɛ lisi nara balɛ ta di ba wa chiŋi ba bar chiŋɛ ni. Ba tuma la nyɛ Yesu Kristo wa jirima kinkan.

2 Kɔr. 8:6

Chendaha yaa sumi Taitus naa piin piili di o la ma papaha ti, di o suŋi ma a kpa o maga a nyɛ un. Mu zimu di maa ya nannɛ, domi maa daŋni ma suŋi ma dɔŋtimwa kinkan.

Gal. 2:1

Bun fidanaasi gantɛl ni, min, Barnabas awa Taitus fun bur a kaali Jɛrusalɛm.

Gal. 2:3

Taitus naa funɛ nyɛn mu wati, funɛ ya Girik timwa, amaa ba wa fun muksi un di ba teŋ un.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.