2 Kɔr. 13:5 - Tampulma

⁵ Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

2 Kɔr. 13:5 Marejeleo ya Msalaba

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 15:4

Hulsi ta vɛ baŋsi bugil pum ti bara ni, a wa kinɔn nɔna. Chen vɛɛna, ma wa min vɛ ya nibɛgim a nyɛni, ma wa kikoti a tum tum were a nyɛ min. Chendaha o lawa ma wa min ya nibɛgimu a nyɛn.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Jɔn 17:26

Mu funɛ biksi ba chenani i bambi duu a ha vɛ peti. Mu zi nyɛn ba bambe niu a suŋi ba baa daŋni nara a chi chenani ii daŋni min.”

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Jɔn 6:6

O titi funɛ zim chenani o zi yau, amaa o funɛ daŋni o zaamsi Filiprɛ.

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

Room 8:10

Kristo nyɛn ma ni, ma bara zi sou ma tum tagna daha. Amaa Koosa wa bu na ma galimsa. Chendaha ma siima kpak o mi fali tiu.

1 Kɔr. 11:28

Adaha o lawa nibine maga te zaamsi o titiu nɛnɛ a zi se boroboro ti aa nyɔ kinyɔɔli ti.

1 Kɔr. 11:31

Ya fu te zaamsi ya tusa, Koosa fu wa zi di ya sɛria a kimuksi ya.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 6:15

Ma wa zim di ma bara ta ya Kristo bara luk pɛksiwaa? Mu kpa Kristo bara luk pɛkha a la lagmi a chɔ nihaan sakaal, chen weruu? Aai.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

1 Kɔr. 6:2

Ma wa zim di wuzu digi Yesu nitiŋɛ ta zi wa di tɛɛnɛ nɔ tim maga sɛriauu? Ma kaa wa ya chen wuzu digi, yɛrɛ ma vɛ koti a di wu wisa sɛria lalaknɔ?

1 Kɔr. 9:24

Ma zim di nara yaa chɔ chɔchɔha di ba la di chen, nara kinkan yaa chɔ a la, amaa nibɛgim yaa la di. Ma Yesu tiŋi chi chɔchɔharɛ. Maa chɔ nɛnɛ, chen ni ma zi wa diu.

1 Kɔr. 9:27

Mu yaa muksi mu barawa aa kpak mu titi nɛnɛ, chen ni mu titi wa zi wa nyuksi laaboor weri ti papaha naa mu kpa biksi nara chen.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Gal. 6:4

Maa zaamsi ma titi chenani maa tiŋ saha maga. Maa tiŋ nɛnɛ, chen weru. Ma ta kpa chenani maa tiŋi awa ma dɔŋtima tiŋi a lagmi dɔŋ ni a ŋɔ di maa tiŋu nɛnɛ.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 2:19

O wara tiŋ Kristo naa ya ya nyuhu tiina. Ya waa ya o bara luk pɛksa a la na kpok awa suŋi a li un ni. O wa ya ya nibɛgimnɛ ka yaa bi a chi chenani Koosa daŋni yaa bi.

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

1 Tim. 2:15

Amaa nihaana ba naa la dɛɛsi bisa, ba kpak nɛnɛ a nyɛ ba se su Koosa kinkan a daŋni dɔŋa aa ya bambi tima, wuzu digi Koosa zi yisi bau a li ba tum tagna ni hali o wa peti.

2 Tim. 3:8

Nibiksɛ nama burgi ba gantɛlwa a chak Koosa wuti ti a chi nara balɛ naa ba funɛ yir Janis awa Jambrɛs, burgi ba gantɛlwa a chak Mosis saha digi. Nibiksɛ nama ya lise tagin timwa a nyuksi Koosa nyinbaan.

Tait. 1:13

O sɛm ta ya wutirɛ. I lawa i burgi Yesu nitiŋɛ ta nyuunau wa kpok ni, chen ni ba zi kpak Koosa wuti tiu nɛnɛ.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

Tait. 2:2

Kibiksi nibaal hɛɛta di ba ta nyɔ sin aa dɛɛsi. O lawa ba ya nɛha timau awa bambe tima, chen ni nara zi nyɛ ba jirimau. Kibiksi ba di ba se su Yesu kinkan a kidaŋni nara maga a kidi ba namsi.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

Ju 6:8

Kɔha awa sɔta duŋduŋ nyu ya ni, ya ya yɔrirɛ. O wa zi vusi ka Koosa ŋɔ nɔ a nyɛ ya a kpa din a chɔk ya.

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

1 Pita 5:9

Maa vɛ sintana. Maa nyɛ ma se ka su Koosa kinkan aa chiŋi wa bambi kpok ni. Ma zimu di ma niinbisa ba naa maga se su Koosa aa nyɛn bar damati ni, gbanko namsiu a chi ma.

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.