2 Kɔr. 13:14 - Tampulma

¹⁴ Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

2 Kɔr. 13:14 Marejeleo ya Msalaba

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 7:38

Ba funɛ sɔbiu a li Koosa sɛm tɔn ti ni saha digi a ŋɔ, ‘Ni pali zi li ba naa se su min bambe niu saha maga.’ ”

Tuma 15:11

Chenani ya kunyana Yesu fun suŋi ya ya se su un, ka Koosa fun yisi ya a li ya tum tagna ni ya tiŋ un awa chenani o tum nyɛ ba ya kibɛgimnɛ. Kin nama ya kibirige.”

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Room 16:20

Koosa naa ya bara sɔɔna tiina, waa la zi wa chɔk sintana a nyɛ ma lalaga. Ya kunyana Yesu zi suŋi mau.

Room 16:23

Gaiyus naa funɛ la min a du o dam ni doonani Yesu nitiŋɛ ta yaa lagmi, o gbanko zaami mau. Ɛrastus naa la nyini tɔha malɛ awa ya niinbe Kɔrtus zaami mau. ((

Room 16:27

Koosa duŋduŋ kpak zima maga. O zi la jirimau Yesu Kristo daha hali saha naa vɛ kpak bɔ. Ami.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 14:16

Ma vɛ ya chen, a la zaami Koosa awa ma siima duŋduŋ ni, yɛrɛ nara kaa ya a la nɔɔni a ŋɔ ami. Ba wa zim chenani maa zaami chen.

1 Kɔr. 16:23

Ya kunyana Yesu la zi suŋi ma.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 2:22

Koosa siim weri ti nyɛ ma gbaari ba naa wa Yesu Kristo ya nibɛgim ni a burgi dɛ naa Koosa nyɛn chen bar digi.

Ɛfɛ. 5:9

Ba naa nyɛn nha ni yaa tum tum werewa a nyɛ Koosa ni saha maga a ya nibin were a la sɛm wuti sɛma.

Ɛfɛ. 6:23

Ya kunyan Koosa awa ya kunyan Yesu Kristo zi suŋi mau awa ma dɔŋtima maga di ma se su ba nɛnɛ, chen ni ma zi kpak nɔ bɛgimu a kidaŋni dɔŋa kinkan.

Filip. Tima 2:1

Ma naa la tiŋ Kristo nan o kpami mauu? Chenani oo daŋni ma belimi mauu? Ma wa Koosa siim weri ti ya nɔ bɛgimuu? Maa daŋni dɔŋa a kpak siki wa dɔŋ niuu?

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

1 Jɔn 3:16

Chenani Yesu fun sou ya daha biksi ya wuti daŋni. O weru wa yaa daŋni ya dɔŋtima chenu, hali a sou ba daha.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.