2 Kɔr. 13:11 - Tampulma

¹¹ Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

2 Kɔr. 13:11 Marejeleo ya Msalaba

Mat. 1:23

O fun ŋɔ di, “Butowe naa vɛ zim nibaal o zi wa kpak lo a lul nibabichɛla. Ba zi wa yir unu Imanuɛl. Sɔn ti mun ya, ‘Koosa nyɛn ya wati’.”

Mat. 5:48

Ma nyɛ ma tusa kichaani a chi chenani ma nyana Koosa naa nyɛn o tɔha ni tuha chaani chen.”

Maak 10:49

Yesu fun chiŋi a ŋɔ di ba yir un o wa. Ba fun yir un a ŋɔ, “Nyɛ i bara sɔɔni ka i si a wa. O yir hinu.”

Maak 9:50

“Yisa mɛlsɛu, amaa o mɛlsi ti wa peti, yɛrɛ ba zi koti a bu ya o lɛm? Adaha ma wa ma dɔŋtima ma ka lɛm dɔŋ ni a chi yisa yaa nyɛ disa lɛm chen.”

Luk 9:61

Baal digi fun wa ŋɔ Yesu ni, “N zi tiŋ hinu, amaa nyɛ mu te la chausi mu dam walɛ.”

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Tuma 15:29

Ma ta di vursi diwe a ta se nɛmɛ naa ba vɛ kɔrigi o li chɛl a ta tum chɔkumsi tuma. Ma gil nan kin nama yaali, ma zi tiŋ Yesuu nɛnɛ. Ma zaami dɔŋa a nyɛ ya.”

Tuma 18:21

Pɔɔl fun chausi Akwila awa Prisila dooni a ŋɔ ba naa la daŋni o nyɛn ba wati chen, “Koosa nyɛ min nyinbaan, mu zi bur wa ma watiu.” Doone o fun bu a la zu arŋ ti a kaali.

Tuma 23:30

Mu funɛ nu di Ju tim ta bura daŋni ba kpu unu, mu fun lisi di mu nyɛ mu lanjimasi ta kpa un wa i wati. Mu fun ŋɔ ba naa la fiksi un chen di ba tiŋ o gantɛl a wa fiksi un i suwachak ni. Zaami i walɛ maga a nyɛ min.”

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

Room 12:18

O nyɛn ma watɛɛ, maa kpaŋi aa kpak bara sɔɔna awa nara maga ni.

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 15:33

Koosa naa ya bara sɔɔn tiina, nyɛn ma maga wati. Ami.

Room 16:20

Koosa naa ya bara sɔɔna tiina, waa la zi wa chɔk sintana a nyɛ ma lalaga. Ya kunyana Yesu zi suŋi mau.

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

2 Kɔr. 1:4

O yaa belimi yau a li ya namsi maga ni. Domi o yaa suŋi ya chene, ya koti a chiŋi ya dɔŋtima gantɛl ni a li ba namsi ni.

2 Kɔr. 13:14

Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

2 Kɔr. 13:9

Ya vɛ kpak kpok ka ma wa kpak kpok, ya tusa zi sɔɔniu. Chendaha ya yaa sumi Koosau di kin naa nyɛn ma wati maga kɔɔri.

Ɛfɛ. 4:12

chen ni o nara ba naa maga chi o bara zi zimu chenani ba zi tum ba tumau a nyɛ dɔŋ ni, a kpak un nɛnɛ a gbaari.

Ɛfɛ. 4:3

Koosa siim weri ti funɛ nyɛ ma ya nɔ bɛgimu wa dɔŋ ni a nyɛ ma bara sɔɔna. Maa kpaŋi saha maga a kiya dɔŋa chen.

Ɛfɛ. 6:23

Ya kunyan Koosa awa ya kunyan Yesu Kristo zi suŋi mau awa ma dɔŋtima maga di ma se su ba nɛnɛ, chen ni ma zi kpak nɔ bɛgimu a kidaŋni dɔŋa kinkan.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 3:16

Ma nyɛ yaa tiŋ chenani ya piinsa tiŋ hali wa zinan.

Filip. Tima 4:2

Mu sumi ya toosau Yuodia awa Sintaiki ba naa la tiŋ ya kunyan ti, di ba la nɔɔni wa dɔŋa.

Filip. Tima 4:4

Ma nyɛ ma tusa sɔɔni saha maga ya kunyan ti daha. Mu zi bukoo nɔ mau, ma nyɛ ma tusa sɔɔni.

Filip. Tima 4:9

Mu funɛ nyɛn ma wati, ma fun a nu mu biksi ti a na mu tuma. Maa lisi mu biksi ti wɛ aa kitum ma tuma a chi min. Ma ya nan, Koosa zi sɔɔni ma barau kinkan a nyɛn ma wati.

1 Tɛs. 3:10

Yaa sumi Koosau saha maga awa ba bambe ni di o nyɛ ya wa na ma bura, chen ni ya zi bukoo gbaari chenani ya fun piin biksi ma chenu a li Yesu nyinbaan tiŋi ti wɛ ni.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

1 Tɛs. 4:18

Ma ŋɔ laaboor weri nɔ a nyɛ dɔŋ ni aa kibelimi dɔŋa.

1 Tɛs. 5:13

Ma nyɛ ba jirima kinkan aa kidaŋni ba, domi tum naa baa tum nan daha. Ma la nɔɔni dɔŋ ni.

1 Tɛs. 5:16

Ma kut kpak tu sɔɔna kinkan,

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

2 Tɛs. 3:1

Mu niinbisa, maa sumi Koosa a nyɛ ya di ya koti a mɔɔli Koosa laaboor weri ti bawu maga ni, chen ni nidamata se zi su unu a chi chenani maa ya chen.

2 Tɛs. 3:16

Ya kunyana naa ya bara sɔɔn tiina, waa la zi nyɛ ma bara sɔɔna saha maga, a nyɛn ma wati.

2 Tim. 2:22

Ta tiŋ i titi daŋni a chi ba naa ya bunɔɔna, amaa kpak un i bambi ni a tum tum were kinkan a nyɛ i si su Yesu aa kidaŋni nara awa bara sɔɔni ni. Kilagmi ba naa kpak bambi chaanɛ a la sumi Koosa di o suŋi ba.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Jems 1:4

Maa di hali a wa peti, ma zi ya nibin wereu a chi chenani Koosa daŋni ma du.

1 Pita 3:11

a gil o tum tagna aa kitum tum were, chen ni o kpak un o bambi ni a kpak nɔ bɛgim awa nara ni saha maga.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

JɔnN Deesi 22:21

Ya kunyan Yesu kisuŋi ma maga.