2 Kɔr. 12:7 - Tampulma

⁷ Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

2 Kɔr. 12:7 Marejeleo ya Msalaba

Mat. 26:67

Ba bɔnɛ fun si a tɔɔsi nantɔsa a du un ni a la tuk un,

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Luk 13:16

Nihaan nɔ nyɛn bar nɔ nan ya Abraham be lulɛ ta digirɛ. Sintana fun dɔ un bun fumlɛ alɛ wa to. Yɛrɛ ma ŋɔ di o wa deŋli di mu tiibi un hiisi wuzu ti?”

1 Kɔr. 4:11

Lɔsa awa nyɔksa yaa funɛ kpak yau hali wa zinan ni. Ya yaa laari kizɛrgɛwa. Nara yaa funɛ tuk yau. Ya wa fun kpak bar nyɛni a nyɛn aa go.

1 Kɔr. 5:5

Ma kpa un a du sintana nin ni o muksi un a chɔk o bara, chen ni a wuzu naa ya kunyan ti wa bur wa, Koosa zi wa yisi o miisau.

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

2 Kɔr. 10:5

a lisi chenani nara zer ba titi a vɛ zim Koosa a ta. Ya kpa o kpokre a biksi ba, chen ni ba zi burgi a tiŋ Yesu Kristo nɔu awa ba bambe ni.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

2 Kɔr. 12:1

Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

Gal. 4:13

Ma zimu di mu funɛ te wa biksi ma Koosa laaboor weri ti wɛ, mu bara wa fun lɛm.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.