2 Kɔr. 12:16 - Tampulma

¹⁶ Ma zimu nɛnɛ di mu funɛ nyɛn ma wati, mu wa funɛ nyini ma diwe se ni. Ma bɔnɛ zi buru a ŋɔ dɔŋ ni di mu sɛm ta ya wutirɛ amaa mu nɛɛgiu a mur ma.

2 Kɔr. 12:16 Marejeleo ya Msalaba

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

2 Kɔr. 12:13

Chenani mu fun a biksi ma awa chenani mu fun a biksi Koosa nitiŋɛ ba naa nyɛn bar kurgɛ ni, ya kibɛgimnɛ, amaa kibɛgim funɛ ka. Mu wa fun pɛɛsi ma di ma suŋi min wa diwe ni. Mu vɛ nyɛ ma tusa sɔɔni diwe na daha, ma gil nyɛ min.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 6:8

Nara nyɛ ya jirimarɛ aa nyɛ ya na hiisa. Ba pɛgi yau a la pini ya zoma. Ya sɛm sɛm wutɛu, amaa ba ŋɔ di ya ya nusun timwa.

2 Kɔr. 7:2

Ma chasi ma tusa a nyɛ ya. Ya ha wa tum tum tagna a nyɛ nandigi ni. Ya ha wa di nandigi koo a mur ba.

1 Tɛs. 2:3

Laaboor weri naa ya funɛ sɛm ma a la sumi ma di ma nu, o maga funɛ ya wutirɛ. Ya wara daŋni ya suni wɛ di ya mur ma a kidaŋni nyɔɔra ma daha.

1 Tɛs. 2:5

Ma zim nɛnɛ di ya funɛ biksi ma chen, ya wa funɛ pɛgi ma wa ya nyina nɛɛ a la mur ma. Ya wa funɛ mur narawa di ya la kina. Koosa ya ya sɛhɛra tiina kin nama ni.

1 Pita 2:3

Ma zimu di Koosa funɛ suŋi ma.