2 Kɔr. 12:1 - Tampulma

¹ Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

2 Kɔr. 12:1 Marejeleo ya Msalaba

Jɔn 16:7

Ma nyɛ mu sɛm ma wuti. O deŋlu di mu gil ma a bur la mu nyan ti wati, chen ni mu zi nyɛ o siim weri ti wa suŋi mau. Mu vɛ laali, o wa zi koti a wa.

Jɔn 18:14

Kaifas funɛ ya naa funɛ te ŋɔ Ju tim ta ni di o deŋlu wa Yesu chiŋi ba maga bar chiŋi ni a sou nyɛ ba.

Tuma 18:9

Dusum digi Pɔɔl fun na ya kunyan ti a chi o deesi ka o ŋɔ un, “Ta ɔmi. Ta bur gantɛl a li laaboor weri ti biksi ti ni,

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

1 Kɔr. 10:23

Ma bɔnɛ yaa ŋɔ dɔŋ ni, “Ya kpak nyinbaanu wa yaa ya kina maga ya daŋniu.” Amaa kina maga laata la suŋi ya di ya tiŋ Koosa aa gbaari.

1 Kɔr. 14:6

Mu niinbisa, mu wa wa ma wati a la sɛm sɛm kurgɛ, yɛrɛ mu kaa ya suŋi ma? Mu ya chen ni, mu wa kikoti a sɛm ma chenani Koosa fun biksi min akoo biksi ma zima koo a sɛm ma a li Koosa kpok ti ni koo a nyɛ ma zim Koosa nyinbaan wɛ.

1 Kɔr. 6:12

Ma bɔnɛ yaa ŋɔ dɔŋ ni, “Ya kpak nyinbaanu ya ya kina maga ya daŋniu.” Amaa mu ŋɔ ma di kina maga la ta wer wa ya. Ya wa zi la nɔɔni a nyɛ kin nama dɔ ya.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 12:5

Mu fu zi daŋni sɔnu a daha, amaa mu wa zi bu daŋni sɔn. Mu ka daŋni mu biksi mau di mu titi kpok ti ya yɔrirɛ.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

2 Kɔr. 12:9

O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

2 Kɔr. 8:10

Ta lɛm nɛɛ mu ŋɔ ma kin nama wɛ. Bunaani ma kpak un ma bambe ni a piili a pa ma kin ta a nyɛ Taitus ni. Lalaknɔ ma pa a petiu. Ma waa funɛ ya nitele a lisi a vɛɛn piili.

Gal. 1:12

Nandigi wa fun a biksi min hali tama. Yesu Kristo titi funɛ kpa un a biksi min gbampulim ni.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Ɛfɛ. 3:3

Koosa funɛ te kpa o tutɔ ti a sogli a zi kpa un a li gbampulim a biksi min. Mu funɛ piin sɔbi nan wɛu tama a nyɛ ma.

1 Tɛs. 4:15

Ya waa la biksi ma chenani ya kunyan ti fun a biksi ya. Wuzu digi ya kunyan ti zi wa bur wau. O wa wa, ya naa kpak miisa bɔnɛ wa zi wa te la a ka ba naa sowɛɛ.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.