2 Kɔr. 11:23 - Tampulma

²³ Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 11:23 Marejeleo ya Msalaba

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 20:23

Mu zimu di doonani maga mu funɛ gba, waa funɛ ŋɔ min di mu zi na namsiu ka nara tɔ min dɛ.

Tuma 21:11

O fun kaali Pɔɔl wati a la ŋɔ un di o kpa o chɛra kikirisa a nyɛ un. Pɔɔl fun kpa a nyɛ un. Agabus fun kani a kpa un a vɔu o nisa awa o naŋgere a ŋɔ, “Ma nu chenani Koosa siim weri ti fun ŋɔ minu. Chɛra kikirisi nɔ tiina la tel Jɛrusalɛm, Ju tima ba naa nyɛn dooni, zi wa vɔu unu a chi chenani mu vɔu mu titi nan, a kpa un a du ba naa vɛ ya Ju tim nisa ni.”

Tuma 25:14

Ba funɛ nyɛn doon tama, Fɛstus fun ŋɔ koor ti Pɔɔl wɛ. O fun ŋɔ, “Saha naa Filiks fun ya gɔbnati nyuhu tiin zen bar nɔ chen, o fun kpak baal naa ba yir Pɔɔl chen a tɔ un dɛ.

Tuma 27:1

Saha fun wa tel di ba kpa Pɔɔl kila Itali pulum doonani koorsi ta nyuhu tiina Siiza nyɛn. Lanjimasa nihɛɛ digi funɛ nyɛn doon ba yir un Julius. Koor Siiza fun kpa o titi sɔn a du Julius lanjimasa puk ti. Ba fun kpa Pɔɔl awa ba naa ba tɔ ba dɛ bɔnɛ a du Julius nin ni.

Tuma 28:16

Ya funɛ la tel Room, ba fun nyɛ Pɔɔl nyɛn o duŋduŋ ka lanjima il un.

Tuma 28:30

Pɔɔl fun la nyɛn nandigi dam ni a la bɔ un dam ti nyuhu ni bunsa lɛ. O fun la ba naa maga wa di ba zaami un a du.

Tuma 9:16

Mu zi biksi un chenani o zi biksi ba a na namsi kinkanu.”

Room 8:36

Ba fun sɔbi a li Koosa sɛm tɔn ti ni a ŋɔ, “Ya nyɛn sou bar nyɛni nɛɛ saha maga ma daha. Ya chi piisisiwa a naa ba yaa lisi di ba kɔrigirɛ.”

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 4:1

O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

1 Kɔr. 4:11

Lɔsa awa nyɔksa yaa funɛ kpak yau hali wa zinan ni. Ya yaa laari kizɛrgɛwa. Nara yaa funɛ tuk yau. Ya wa fun kpak bar nyɛni a nyɛn aa go.

1 Kɔr. 4:9

Mu wati Koosa nyɛ o nitumɛ ta tiŋ gantɛl, a chi ba naa ba funɛ di ba sou sɛria. Tɛɛnɛ nɔ tim maga awa Koosa malaikasa nyini ya a chi ya ya nibin tagniwa.

2 Kɔr. 10:7

Ma bɔnɛ nyini ya se nee, a vɛ nyini ya bambe ni. Ma bɔnɛ lisi di Yesu Kristo dɔ maa? Ma lisi di waa dɔ ya gbanko a chi o dɔ ma chen.

2 Kɔr. 11:5

Ma lisu di nibiksɛ nama ya nibirigewa a kaali min. Mu wa la nɔɔni a nyɛ ma.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 4:11

Saha maga ya nyɛn sou bar nyɛni nɛɛ Yesu daha, chen ni nara zi zimu di o miisa naa nyɛn ya ni kok ya dooni.

2 Kɔr. 6:9

Ya wa ya nibin zene, amaa nara maga zim ya wɛu. Ya chi nibin sitɛwa, amaa ya ka ha vɛɛn kpak miisau. Ba nyɛ ya na namsiu kinkan, amaa ba ha wa kpu ya.

Gal. 6:17

Mu kpak funfukniwa mu bara ni. A wa biksi nara di mu ya Yesu tumtumnɛ. Chendaha nandigi ta bu gbaari mu namsi nɔ ni.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Filip. Tima 1:13

Koor nyuhu tiina Siiza lanjimasa ba naa maga la il min awa nidamata a nyɛn bar nɔ, zimu di ba funɛ tɔ min dɛrɛ muu tiŋ Kristo daha.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

2 Tim. 1:16

Ɔnɛsifɔrɔs funɛ kpami minu bu damata. Chendaha mu sumi ya kunyan ti di o kpak o walɛ siki. O wa kpak hiisa a du min ni domi ba funɛ kpak min a tɔ dɛrɛ daha.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.