2 Kɔr. 10:18 - Tampulma

¹⁸ Ma pi ma titi, chen wa deŋli. Ya kunyan ti ka pi ma, chen deŋlee kinkan.

2 Kɔr. 10:18 Marejeleo ya Msalaba

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Jɔn 12:43

Ba daŋni narawa kinyɛ ba jirima a kaali chenani ba daŋni Koosa kinyɛ ba jirima.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Room 14:18

Ba naa maga tiŋ Kristo nɔ chen, zi sɔɔni Koosa tuhau. Nibinsa gbanko zi nyɛ ba jirimau.

Room 16:10

Ma zaami Apeles. Koosa funɛ zaamsi un, o fun di a li Kristo tiŋi ni. Ma zaami Aristɔbɔlɔs dam walɛ,

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

1 Kɔr. 11:19

O wa kpak beeli waligi nyɛn ma ni, chen ni ma zi kotiu a na ba naa la tiŋ wuti ti.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

2 Kɔr. 10:12

Nara nama ya womniwa kinkan. Ba lisiu di ba ya nibin zenewa. Ba wara daŋni ba kpa ba titi a lagmi ya ni. Ba funɛ naami ba titi chiksɛ a la tiŋ a.

2 Kɔr. 13:7

Yaa sumi Koosau di ma bur a li ma tum tagna ni, chen ni mu wa zi wa lɛrgi ma diŋsa. Ma bur a tum tum were, chen bɔɛɛ di mu biksi ma chenani Yesu Kristo kpok ti nyɛn min ni.

2 Kɔr. 3:1

Ya bu a zer ya titirɛ ma suwachak nii? Nibiksɛ ba naa na nyɔɔra a li ba biksi ni kpa tɔnawa a nyɛ ma, chen ni ma zi zim chenani ba duu. Ba wa li, ba zi bukoo la tɔnau ma wati a kaali bar digi. Ya chi ba warɛɛ?

2 Kɔr. 5:12

Ya wa bur a daŋni sɔna a nyɛ ya titi ni. Ya waa ka la nyɛ ma nyinbaan di ya ya ma jirima tima, chen ni ma zi kotiu a sɛm ba naa la nyini nibinsa se ni a vɛ nyini ba bambe ni.

2 Kɔr. 6:4

Ya tum maga yaa biksi nara di ya ya Koosa tumtumsiwa. Ba namsi yau kinkan, amaa ya di ya namsiu wa kanyita ni.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.