2 Kɔr. 1:20 - Tampulma

²⁰ Koosa funɛ tum Yesu di o nyɛ vɔwɛ naa maga Koosa fun kpa nyɛ nara ni a li o piili ti ni, chen ya wuti. Ya zaami Koosau a la nyɛ un jirima kinkan kin nama daha.

2 Kɔr. 1:20 Marejeleo ya Msalaba

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Luk 2:14

“Ma nyɛ ya nyɛ Koosa naa nyɛn o tɔha ni, jirima kinkan. Naa o fa tum zi nyɛ ba naa la ya Koosa lɛmlɛm ya nɔ bɛgim wa dɔŋ ni.”

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

1 Kɔr. 14:16

Ma vɛ ya chen, a la zaami Koosa awa ma siima duŋduŋ ni, yɛrɛ nara kaa ya a la nɔɔni a ŋɔ ami. Ba wa zim chenani maa zaami chen.

2 Kɔr. 4:15

Yaa di namsiu a chi nan ma Yesu nitiŋɛ ta daha. Chenani Koosa suŋi nidamata ba wa zim un a gbaari, ma zaami awa ma Koosa pɛgi zi lagmiu a gbaari.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Gal. 3:22

Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.

Ɛfɛ. 1:6

Koosa funɛ suŋi yau a kaali chenani o daŋni. Ma nyɛ ya pɛgi un o funɛ kpa o be daŋni a nyɛ ya yɔri chen.

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Ju 13:8

Yesu Kristo naa funɛ nyɛn ba ni a nyɛn ya ni, ya nibɛgimnɛ. O wa zi chɛrgi hali saha naa vɛ kpak bɔ.

Ju 7:6

Mɛlkizidɛk wa fun ya Livai bi lulɛ digi, amaa Abraham funɛ purigi o kina maga fi fi a lisi a digi a nyɛ un. Doone Mɛlkizidɛk fun sumi Koosa a du Abraham naa funɛ la chenani Koosa fun vɔu di o nyɛ un ni.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Jɔn 5:11

Koosa sɛhɛra ti nɛɛnɛ. Waa funɛ kpa o mi fali naa vɛ kpak bɔ a nyɛ ya. Nan mi fali nɔ nyɛn o be ti nin ni.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 7:12

a ŋɔ, “Ami. Ya pɛgi a zaami hin, domi i kpak zima awa jirima wa chaani wa kpok kinkan hali saha naa vɛ kpak bɔ. Ami.”