2 Kɔr. 1:19 - Tampulma

¹⁹ Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

2 Kɔr. 1:19 Marejeleo ya Msalaba

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Mat. 27:40

“Hin funɛ ŋɔ di i zi chɔk Koosa bar jɛɛmi dam ti a bur sa un wuzu butora chen niuu? I sir ya Koosa bere, yisi i titi a tu wa daakakli ti ni ya na.”

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Maak 1:1

Koosa laaboor weri piili nɛɛnɛ. O ya o be Yesu Kristo wɛwa.

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Jɔn 1:34

Yesure mu fun na ka Koosa siim weri ti tu wa a zɔŋ o nyuhu ni. Wutirɛ mu ŋɔ ma di o ya Koosa bere.”

Jɔn 1:49

Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Jɔn 19:7

Zɛmɛ ta fun ŋɔ un, “Ya chiksɛ ta biksi ya di o sou, domi o kpa o titirɛ a burgi Koosa be.”

Jɔn 20:28

Tɔmas fun ŋɔ un, “Hin ya mu kunyana Koosa.”

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 6:69

ka ya se su a. Ya zimu di i ya Koosa tu chaan tiinnɛ.”

Jɔn 8:58

Yesu fun ŋɔ ba, “Maa nu chenani mu kaa sɛm ma. Mu funɛ piin nyɛnu ka ba zi lul Abraham.”

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 8:36

Ba funɛ nyɛn nyinbaan ti ni a la chene a la dugli pul. Baal ti fun ŋɔ Filip ni, “Ya duglɛ ni bar nyɛniu. Mu daŋni i chaksi min wa ni ni, nandigi wa to a la zi ŋɔ hin di i gil.” ((

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

1 Tɛs. 1:1

Min, Pɔɔl, awa Silvenus wa Timoti zaami ma naa tiŋ ya kunyan Yesu chenu a li Tɛsalɔnika ni. Mu waa, Pɔɔl, la sɔbi tɔn nɔ a nyɛ ma. Ya kunyan Yesu Kristo ti awa ya kunyan Koosa dɔ ma. Waa la zi suŋi ma a nyɛ ma bara sɔɔna.

2 Tɛs. 1:1

Mu waa, Pɔɔl, awa Sailas wa Timoti zaami mau. Min, Pɔɔl, la sɔbi tɔn nɔ a nyɛ ma naa tiŋ Yesu a li Tɛsalɔnika ni. Ya kunyan Koosa awa ya kunyan Yesu Kristo dɔ ma.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Ju 1:11

Wuzu digi a maga zi wa chɔku, amaa i zi nyɛnu hali saha naa vɛ kpak bɔ. A maga chi takta naa vusɛɛ a la kusirɛ.

Ju 13:8

Yesu Kristo naa funɛ nyɛn ba ni a nyɛn ya ni, ya nibɛgimnɛ. O wa zi chɛrgi hali saha naa vɛ kpak bɔ.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

2 Pita 1:17

Ya wa un funɛ nyɛn bi nyuha ni, ya kunyana Koosa fun nyɛ un jirima awa chaani kinkan a nyɛ ta li o bar chaani a ŋɔ, “Mu be daŋni nɛɛnɛ. Waa ya min lɛmlɛm kinkan.”

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:17

Mu funɛ na un, mu fun chel tɛɛnɛ ni a chi mu siwɛɛ. O fun wa pu min a kpa o nindil a gbaŋsi min a ŋɔ, “Ta ɔmi. Mu vɛ kpak piili a nyɛn a vɛ kpak peti.

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 2:18

“Sɔbi kin nama a la nyɛ naa la nyini Yesu nitiŋɛ ta a li Tiataya ni. “Mu waa naa Koosa be ka mu se sɛri a chi din a la chɛr nara se ka mu naŋgere sɛri ti funɛ chi sulminne ba kpa kɔɔri kina a lili kinkan, ma nu chenani mu kaa ŋɔ ma.