2 Kɔr. 1:12 - Tampulma

¹² Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 1:12 Marejeleo ya Msalaba

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Tuma 24:16

Mu yaa fun kpak unu mu bambi ni di mu tum mu tuma wa tu bɛgim ni Koosa awa nara suwachak ni.

Room 9:1

Domi mu wa Kristo ya nibɛgimnɛ, mu wara suni wɛ. Koosa siim weri ti ya mu sɛhɛra tiina. Chenani mu kaa ŋɔ ma nan, o ya wutirɛ.

1 Kɔr. 1:17

Kristo wa fun tum min di mu wa chaksi narawa. O funɛ tum minu di mu wa biksi Koosa laaboor weri ti a nyɛ nara maga ni. O wara daŋni mu sɛm nibinsa zimarɛ. Mu kpa chen a biksi Yesu daakakli ti siwi wɛ, chen zi tɔ o daakakli siwi ti kpoku.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 2:13

Ya wara sɛm sɛma a li nibinsa zima ti ni. Koosa siim weri ti la biksi ya chenani ya zi sɛm. O sɛmwa ya kpa la biksi ma.

1 Kɔr. 4:4

Hali mu ŋɔ di mu tuha chaanu di mu funɛ tum nɛnɛu, chen wa zi biksi di mu zi wa liu. Kristo ya naa la zi wa di min sɛria.

1 Kɔr. 5:8

Yaa tiŋ Yesu, o wa werwa ya bur a tum ya titi tum bunɛ a lisi lise tagna a kitum tum tagna. Ma nyɛ ya kpa a nama maga a ta. A waa chi luri ti. Ma nyɛ ya sɛm wuti duŋduŋ a nyɛ ya tusa chaani nɛnɛ. A waa chi boroboro naa vɛ kpak luri ti.

2 Kɔr. 1:17

Mu funɛ te daŋni mu wa ma watiu a bu vɛ daŋni, nan nyɛ mu burgi a chi naa chɛrgi o bambi saha magaa? Mu kpak sire a te daŋni mu wa ma wati a bu vɛ daŋnii?

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 8:8

Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

Gal. 6:4

Maa zaamsi ma titi chenani maa tiŋ saha maga. Maa tiŋ nɛnɛ, chen weru. Ma ta kpa chenani maa tiŋi awa ma dɔŋtima tiŋi a lagmi dɔŋ ni a ŋɔ di maa tiŋu nɛnɛ.

Ɛfɛ. 6:14

Maa il. Maa sɛm dɔŋa awa wuti a kitum tum were,

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

1 Tɛs. 2:10

Ma waa ya ya sɛhɛra tima. Koosa gbanko ya ya sɛhɛra tiina. Ya nyɛni kpa la ma wati funɛ deŋliu a wer kinkan. Nandigi wa fun koti a na ya galimsa.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Ju 13:18

Maa sumi Koosa ya daha saha maga. Ya zimu di ya tiŋ unu wa tu bɛgim ni. Ma Koosa sumi ti zi nyɛ ya kotiu a tum chenani o daŋni ya tum saha maga.

Jems 4:6

Amaa suŋi naa Koosa kpa a nyɛ ya, kpok kaali siim naa o kpa du ya ni chen. Ba funɛ sɔbiu a li Koosa sɛm tɔn ti ni di, “O suŋi ba naa ya jɛrgɛwa, amaa o burgi o gantɛllɛ a chak sɔn dɔŋtima.”

1 Pita 3:16

Amaa ma doso a nyɛ ba jirima a ya jɛrgɛ ba wati. Ma kpak tuha kibɛgim awa Koosa ni, chen ni nara pini ma tum were a naa maa tum a nyɛ Kristo ni, zoma, hiisa zi kpak ba naa sɛm chenu.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.