1 Tim. 6:20 - Tampulma

²⁰ Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

1 Tim. 6:20 Marejeleo ya Msalaba

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:21

Atɛns tima awa hɔɔra ba naa nyɛn dooni, maga funɛ kpa ba saha magawa a sɛm sɛma awa biksi fali ti tiŋ gantɛl a wa chen wɛ.

Room 1:22

Ba fun a yir ba titi ninɛɛgɛ, amaa ba funɛ burgi womniwa.

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

1 Kɔr. 3:19

Tɛɛnɛ nɔ tim maga zima ti ya yɔrirɛ Koosa wati. Ba funɛ sɔbiu a li Koosa sɛm tɔn ti ni a ŋɔ, “O wa nyaŋi ba naa yaa kpa tɛɛnɛ nɔ tim maga zima ti aa tum tum tagna.”

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

Kɔl. 2:8

Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

2 Tɛs. 1:4

Chendaha ya yaa ŋɔ Yesu nitiŋɛ doonani maga ya nyɛn di ma ya ya jirima narawa. Hali nara namsi ma kinkan, ma se ha vɛɛn su Koosau kinkan ka maa di ma namsi.

2 Tɛs. 2:15

Mu niinbisa, chen daha, maa kpak nɛnɛ aa tiŋ wuti biksi naa ya fun biksi ma saha naa ya fun nyɛn ma wati awa chenani ya fun sɔbi tɔn ni a nyɛ ma.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

1 Tim. 1:6

Nibiksɛ nama funɛ bur wuti biksi ti niu a nyuksi ba nyinbaan. Saha maga baa di dɔŋa wa amɔrɛ yɔri yɔri.

1 Tim. 1:9

Koosa wa fun nyɛ o chiksɛ ta nibin were daharɛ. O fun kpa a a nyɛ ba naa vɛ tiŋ a, a vɛ tiŋ Koosa nɔ a vɛ daŋni ba zim un a la tum tum tagna a kpu nara hali ba nyama awa ba numa,

1 Tim. 4:7

Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

1 Tim. 6:14

ii tiŋ chenani mu fun biksi hin. Nyɛ i tuha kichaani, chen ni nandigi wa zi koti a chɔk i sɔn, hali ya kunyan Yesu Kristo wa bur wa.

2 Tim. 2:1

Mu be, ya wa Yesu Kristo ya nibɛgimnɛ. Chendaha Koosa la zi suŋi hin i kpak kpok.

2 Tim. 2:16

Ta lagmi ba naa yaa biksi womsi mura a naa vɛ ya Koosa wɛ, a nyɛ nara ni. Ba naa la biksi chen ni, duŋni narawa a li Koosa wati a gbaari.

Tait. 1:14

Ba ta nu Ju tim ta mura awa chenani nibinsa ba naa vɛ wuti ti, ŋɔ ba.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Tait. 1:9

O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

Tait. 3:9

Amaa ta di amɔrɛ wa ba naa la biksi ba nawaalsa sɔna wɛ a la yo dɔŋa Koosa chiksɛ daha. Kin nama ya yɔrirɛ a wa kpak nyɔɔra.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.