1 Tim. 6:17 - Tampulma

¹⁷ Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

1 Tim. 6:17 Marejeleo ya Msalaba

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 19:23

Doone Yesu fun ŋɔ o gantɛl tiŋsi ta ni, “Ba naa ya kin tima, o zi bɔmu ba wati hali ba wa koti a zu Koosa koor ti.

Mat. 25:16

Tumtum naa funɛ la sidi tusugsa nyuu chen, funɛ kpa au a la yausi kina aa piŋi a na nyɔɔra sidi tusugsa nyuu.

Mat. 27:57

Dusum funɛ wa biri, malɛ tiin digi fun wa dooni. O sɔn funɛ ya Josɛf. O tɔha funɛ ya Arimatia, ka o tiŋ Yesu.

Mat. 6:32

Kin namawa ba naa vɛ ya Ju tima yaa daŋni chen, amaa ma kunyana naa nyɛn o tɔha ti ni o zimu di maa daŋni kin ta magau.

Maak 10:24

O funɛ wa ŋɔ chen, alaazibu fun kpak ba kinkan. O fun bukoo ŋɔ, “Mu bisa, wutirɛ ba naa la lisi ba kidamata wɛ, o zi wa bɔmu wa ba gil ba kin ta hali ba wa koti a zu Koosa koor ti.

Luk 19:2

Lampo nilali nihɛɛ funɛ nyɛn dooni. O funɛ ya malɛ tiinnɛ ka ba yir un Zakius.

Luk 3:11

O fun ŋɔ un, “Nara maga kpak taktasa lɛ, o lawa ba yisi digiu a nyɛ naa vɛ kpaki ni. Nara maga kpak diwe, o lawa ba purigi a nyɛ naa vɛ kpaki ni.”

Tuma 14:17

Tum were naa o yaa tum a nyɛ ya chen biksi ya chenani o du. Waa nyɛ doon mi ya kiparɛ bi, chen ni ya zi na diwe a di wa tu sɔɔni.”

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 17:25

Waa kpa miisa a nyɛ kihiisɛ maga ni a la nyɛ nibinsa kin naa maga ba daŋni. O wara daŋni kundɔŋ a li nibinsa wati ba zi nyɛ un.

Room 11:20

Chenani ma sɛm ya wuti. Ju tim ta wa fun a nyɛ ba se su Koosa. Chendaha o fun teŋ a a ta. Ma se su un. Chendaha ma ka chiŋi a bar chiŋi ni. Ma ta daŋni sɔn a li chenani Koosa tum ni. Ma doso a ta wa cheli a chi Ju tim ta.

Ɛfɛ. 5:5

Wuti ba naa maga la tum sakaal tuma awa doŋ tuma a la daŋni ba ya se tima wa zi su Koosa awa o be Yesu Kristo koor ti. Se tima chi nibinsa ba naa la nyɛ vursa wa jirimarɛ.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Tim. 5:21

Mu chiŋi Koosa awa Yesu Kristo awa o malaikasa naa o lisi suwachak ni, mu ŋɔ hinu di ii tiŋ mu biksi ŋɔ. Ta nyini digi a kaali digi.

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Tait. 3:6

Yesu Kristo funɛ sou ya daharɛ. Chendaha Koosa fun koti a kpa o siim weri ti a du ya ni a kaali chenani o daŋni.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.