1 Tim. 6:14 - Tampulma

¹⁴ ii tiŋ chenani mu fun biksi hin. Nyɛ i tuha kichaani, chen ni nandigi wa zi koti a chɔk i sɔn, hali ya kunyan Yesu Kristo wa bur wa.

1 Tim. 6:14 Marejeleo ya Msalaba

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

Filip. Tima 1:6

Mu kpak bambi di Yesu Kristo wa bur wa, Koosa zi wa peti tum naa o fun piin a tum ma niu.

Filip. Tima 2:15

Ma waa ya o bisa a kpak tu chaana a vɛ kpak galimsa. Ba naa ya nusun tima a la tum tum tagna kinkan, nyɛnu a go ma. Ma chaani ba bambaan ni a chi wula chaani buudaha ni,

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

1 Tɛs. 3:13

Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

2 Tɛs. 2:1

Mu daŋni mu bu ŋɔ mau lalaknɔ saha naa ya kunyan Yesu wa bur wa ka ya wa un wa lagmi wɛ. Mu niinbisa, mu sumi mau di,

2 Tɛs. 2:8

Doone tum tagin tiin ti zi na nyinbaan a wa. Ya kunyan Yesu wa bur wa, o zi wa kpa o kpoku awa o jirima wa o hiisa a hiisa a du un niu o sou.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.