1 Tim. 5:5 - Tampulma

⁵ Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.

1 Tim. 5:5 Marejeleo ya Msalaba

Luk 18:1

Doone Yesu fun biksi ba jɛɛgi nɔ, chen ni ba zi sumi Koosa saha maga a ta bur gantɛl.

Luk 18:7

Koosa wa chi un. Ba naa o fun lisi a nyɛ o titi ni yaa sumi unu di o suŋi ba, o wa zi vusi a ya chen.

Luk 2:37

O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Tuma 26:7

Ya buuri nara fidalɛ ba naa maga yaa jɛɛmi Koosa, kpak bambi bɛgimu a li vɔwi ti ni. Koor Agripa, Ju tim ta fiksi minu i suwachak ni zinan, domi mu gbanko kpak bambi bɛgimnɛ un ni.

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 9:39

Pita fun vaan si a tiŋ ba. Pita wa ba funɛ wa tel Jɔpa, ba fun kpa un zini dɛ naa Dɔɔkas nyɛn chen. Nidamata fun lagmi dooni a wi. Luhaana gbanko fun wa gbaari ba ni a pa takta wisa awa takta zene naa o fun nyɛn o miisa ni a sɔ a biksi Pita.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

Room 1:12

Chen yaali ni, ya maga zi kotiu a suŋi dɔŋa. Chenani mu se su Koosa zi kpami mau. Chenani ma gbanko se su un zi kpami minu.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

1 Kɔr. 7:32

Mu wara daŋni tɛɛnɛ nɔ maga kina kimuksi ma tusa kinkan. Nibaal naa vɛ kpak haan, o nyɛ o si sɛri a du ya kunyan ti tum ni, chen ni o tuha zi sɔɔniu.

1 Kɔr. 7:34

Nihaan naa vɛ yu baal, o si yaa sɛri a li ya kunyan ti tum ni, chen ni o zi dɔ o bara awa o siimau. Nihaan naa yu baal, o si yaa sɛri a li tɛɛnɛ nɔ maga kina ni, chen ni o zi sɔɔni o baal ti tuhau.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

Filip. Tima 4:6

Ma ta nyɛ wu digi kimuksi ma, amaa maa zaami Koosa a kisumi un di o kpa kin naa maga ma daŋni a nyɛ ma.

1 Tim. 2:1

Mu daŋni mu kpami hinu i sumi Koosa a kizaami un ba naa ya koorsa awa ba naa maga dɔ ya daha. Kisumi un di o suŋi ba, chen ni ya maga zi nyɛn wa bara sɔɔnau a tiŋ Koosa nɛnɛ aa nyɛ un jirima.

1 Tim. 5:16

Nihaan naa tiŋ Kristo a kpak luhaana o walɛ ni, o lawa o nyini bau. Yesu nitiŋɛ ta ka nyini luhaana ba naa vɛ kpak nara.

1 Tim. 5:3

Kinyɛ luhaana ba naa vɛ kpak nara ba nyini ba, wa jirima.

2 Tim. 1:3

Min la tum Koosa tuma awa tuha bɛgim ni a chi chenani mu nawaalsa fun tum chen. Mu yaa sumi Koosa a la zaami un i daha nha awa dusum.

1 Pita 3:5

Nihaana ba naa funɛ nyɛn saha digi chen, bɔnɛ fun tiŋ Koosa nyinbaan a kpak bambi bɛgim un ni a tiŋ ba baalasa nɔɔna. Chendaha ba fun a di tula o suwachak ni.