1 Tim. 5:18 - Tampulma

¹⁸ Ba fun a sɔbi a li Koosa sɛm tɔn ti ni a ŋɔ, “Ma ta vɔu nuha naa la sɔrgi niŋmɛna di o chɛri a, nɔ.” Ba fun bukoo sɔbi, “Tumtumna kila o bɔta.”

1 Tim. 5:18 Marejeleo ya Msalaba

Mat. 10:10

Ma ta zer buna a chi kapursa, takta wisa lɛ, natausa, koo daŋkpalsa. O deŋlu wa tumtumsa kidi a li ba tum nɛɛ.

Luk 10:7

O deŋlu wa tumtumna kila o bɔta. Chendaha ma na dam naa nara zi zaami ma. Ma nyɛn dooni a di diwe aa kinyɔ kina maga ba kpa nyɛ ma. Ma ta nyɛn a go damsa.

Room 10:11

Koosa sɛm tɔn ti bukoo a biksi ya di o wa zi buti ba naa maga se su un.

Room 11:2

Koosa wa koti a vɛ ba naa o fun lisi o piili ni a nyɛ o titi ni. Ma wa zim chenani ba fun sɔbi Koosa witiina Ɛlaija wɛ a li Koosa sɛm tɔn ti ni chenn? O funɛ sumi Koosau a fiksi Ju tim ta ba tum tagna daha.

Room 4:3

Ba funɛ sɔbi o wɛu a li Koosa sɛm tɔn ti ni a ŋɔ, “Abraham si su Koosau. Chendaha Koosa wa fun bu na o galimsa.”

Room 9:17

Ba funɛ bukoo sɔbiu a li Koosa sɛm tɔn ti ni chenani Koosa fun ŋɔ Ijipt tim koor ni, “Mu funɛ daŋni mu biksi hin mu kpokre, chen ni tɛɛnɛ nɔ tim maga zi nu mu wɛu a nyɛ min jirima. Chendaha mu fun vɔu hin koora.”

1 Kɔr. 9:14

Chene ya kunyan ti fun sɛm a nyɛ ba naa la biksi nara Koosa laaboor weri ti wɛ di ba di a li ba tum ta ni.

Gal. 3:8

Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”

Jems 4:5

Ma ta lisi di sɛmsɛm naa ba fun a sɔbi a du Koosa sɛm tɔn ti ni, ya yɔrirɛ. Ba funɛ sɔbiu a ŋɔ, “Siim naa Koosa fun kpa a du ya ni chen, o yaa kpak handɔtirɛ a li o titi daŋni ni.”