1 Tim. 5:17 - Tampulma

¹⁷ Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

1 Tim. 5:17 Marejeleo ya Msalaba

Mat. 24:25

Maa nu mu sɛm nama nɛnɛ. Mu piin te ŋɔ mau chenani ba zi wa yau.

Luk 10:7

O deŋlu wa tumtumna kila o bɔta. Chendaha ma na dam naa nara zi zaami ma. Ma nyɛn dooni a di diwe aa kinyɔ kina maga ba kpa nyɛ ma. Ma ta nyɛn a go damsa.

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Jɔn 4:38

O chi mu tum ma di ma la kum kiparɛ a li Koosa ŋmaha ni. Bɔnɛ funɛ du a a nyini a ka ma wa na nyɔɔra a li ba tum ni.”

Tuma 11:30

a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Tuma 28:10

Ba fun kpa papaha damata a nyɛ ya. Ya funɛ saksi di ya li pulum ti ni pɛnsa tora gantɛl ni, ba fun kpa ya papaha a gbaari kin nawara ya daŋni ya kpa li ya val ti ni.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

Room 15:27

Ba funɛ nyɛn chim nɛɛ ba naa nyɛn Jɛrusalɛm ni. Chenani ba fun ya chen weru. Ba naa vɛ ya Ju tima funɛ nu Koosa laaboor weri ti wɛ a li Ju tim ta wati, o deŋlu di ba kpa ba kina a suŋi ba.

Room 16:12

awa ya toosa Trifena awa Trifosa ba naa la tum ya kunyan ti tuma kinkan, awa ya towe Pɛrsis naa ya maga daŋni. O gbanko funɛ tum kinkan a nyɛ ya kunyan ti ni.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 16:16

Mu niinbisa, mu sumi mau maa tiŋ ba naa maga wa un la tum nɔ.

1 Kɔr. 3:9

Chenani Koosa dɔ ya chen, nyɛ ya wa un tum tuma. Waa dɔ ma gbanko. Ma chi o ŋmaharɛ oo kɔɔri, a chi o dɛ oo sa.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Gal. 6:6

Naa funɛ nu Koosa laaboor weri ti Kristo wɛ, o wa o nibiksɛ bɔni o kina.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.

Filip. Tima 2:29

O wa pu ma, ma la un a du wa tu sɔɔni ya kunyan ti daha. Ma nyɛ ba naa maga chi un wa jirima.

Filip. Tima 4:3

Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

1 Tim. 3:5

Nar vɛ koti a nyini o walɛ nɛnɛ, yɛrɛ o kaa ya a koti a nyini ba naa tiŋ Koosa?

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

1 Tim. 5:19

Nandigi daŋni o fiksi Yesu nitiŋɛ nihɛɛ, nyɛ o kpa nara balɛ koo nara batora ba wa a ya sɛhɛra tima, chen ni i zi nu ba sɛmau. O vɛ ya chen, ta nu o wati.

1 Tim. 5:3

Kinyɛ luhaana ba naa vɛ kpak nara ba nyini ba, wa jirima.

2 Tim. 2:6

Niparɛ naa la tum kinkan a li o ŋmaha ni, o zi na kiparɛ naa ba te kum chenu.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.