1 Tim. 4:16 - Tampulma

¹⁶ Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

1 Tim. 4:16 Marejeleo ya Msalaba

Maak 13:9

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tuma 26:22

Koosa la suŋi min saha maga. Chenani mu chiŋi i suwachak ni a li ba naa ya nibin birige awa ba naa vɛ ya nibin birige suwachak ni a kok mu titi nan, waa la suŋi min. Mosis awa Koosa witinsi ta fun sɔbi a li Koosa sɛm tɔn ti ni a biksi chenani nara zi wa ya naa Koosa vɔu di o zi wa tum wuzu digi chenu. Ba sɛma awa chenani mu sɛm ya kibɛgimnɛ.

Tuma 6:4

Ya tuma la zi ya yaa sumi Koosa a kibiksi nara o laaboor weri ti wɛ.”

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 9:22

Mu wa ba naa se vɛ su Yesu nɛnɛ, wa lagmi, mu yaa burgi ba warɛ, chen ni mu zi suŋi bau di ba tiŋ un nɛnɛ. Chenani nibinsa du, mu gbanko du chene, chen ni mu zi la ba bɔnɛu a nyɛ Koosa ni.

1 Kɔr. 9:27

Mu yaa muksi mu barawa aa kpak mu titi nɛnɛ, chen ni mu titi wa zi wa nyuksi laaboor weri ti papaha naa mu kpa biksi nara chen.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

1 Tim. 4:15

Nyɛ kin nama nyɛn i bambi ni i tiŋ a, chen ni nara maga zi na chenani i tum tum were a gbaariu.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

2 Tim. 3:14

Amaa ii ka tiŋ Koosa nyinbaan wuti ti. I zimu nɛnɛ ba naa funɛ te biksi hin o wɛ chen, di i si su un kinkan.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Tait. 1:9

O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Faili. 1:19

Mu titi la sɔbi nan a nyɛ hin. O pɛŋ i malɛ, mu vɔu di mu zi bɔ hinu. Mu biksi ti funɛ nyɛ i si su Yesu Kristo. Chendaha o chi min dɔ hin.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

Jems 5:20

o lawa o zimu di nara wa yisi tum tagna nitumi a li o tum tagna nyinbaan ni, Koosa zi gil o tum tagna damatau a nyɛ un a ta bu na o galimsa a ta un yɔri. Ma zaami ba naa maga nyɛn ma wati a nyɛ min.