1 Tim. 1:17 - Tampulma

¹⁷ Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

1 Tim. 1:17 Marejeleo ya Msalaba

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Room 1:20

Saha naa Koosa fun naami tɛɛnɛ nɔ maga hali wa zinan, ba kotiu a na chenani o bambi du a li kin nawara o naami ni. Ba waa funɛ zim o kpok naa vɛ kpak bɔ awa chenani o ya Koosa. O fun kpa kin nama a li gbampulim, chen ni ba wa zi koti a sɛm sɛma.

Room 1:23

Ba fun a nyɛ kin nawara chi nibinsa awa zimebisa awa sela awa kipalɛ jirima a kpa a chiŋsi Koosa bar jɛɛmi bar chiŋsi ni. Waa nyɛnɛɛ hali saha naa vɛ kpak bɔ.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 16:27

Koosa duŋduŋ kpak zima maga. O zi la jirimau Yesu Kristo daha hali saha naa vɛ kpak bɔ. Ami.

Room 2:10

Ba naa ka la tum tum were zi wa la jirima awa chaani kinkan awa bara sɔɔnau. Ba naa ya Ju tima zi wa te la ka ba naa vɛ ya Ju tima ka zi la.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Ju 11:27

Chenani o si fun su Koosa nyɛ o vɛ ɔm Ijipt tim koora a yisi Ju tim ta a li dooni. O wa fun a bur nyinbaan ti ni. O funɛ chi o na Koosa naa nandigi vɛ koti a naalirɛ.

Ju 2:7

Saha naa la zi vɛ vusi, i funɛ nyɛ i malaikasi ta zenu a kaali ba, a kpa jirima awa chaani a nyɛ ba.

1 Pita 5:11

O kpok ti zi nyɛnu hali saha naa vɛ kpak bɔ. Ami.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 19:1

A gantɛl ni mu fun nu zɛmɛ kinkan ta zaŋa a li Koosa tɔhɔn ti ni ka ba ŋɔ, “Ma nyɛ ya pɛgi Koosa, domi o kpak jirima awa chaani kinkan wa kpok a lisi ya a li ya tum tagna ni hali a wa peti.

JɔnN Deesi 19:16

Ba fun sɔbi sɔn a sak lanjimasa nyuhu tiin ti takta ziŋi awa o naŋgeri ni. O funɛ ya, ‘Mu ya koorsa maga kaŋkoora.’

JɔnN Deesi 19:6

Mu fun bu nu zɛmɛ kinkan ta a chi ni chuuri kinkan awa nasɛha tɛsi, ka ba ŋɔ, “Ma nyɛ ya pɛgi Koosa. Waa dɔ kina maga a kpak kina maga kpok a ya ya kunyana.

JɔnN Deesi 7:12

a ŋɔ, “Ami. Ya pɛgi a zaami hin, domi i kpak zima awa jirima wa chaani wa kpok kinkan hali saha naa vɛ kpak bɔ. Ami.”