1 Tɛs. 5:27 - Tampulma

²⁷ Mu kpak ya kunyan ti kpoku di mu ŋɔ ma ma karimi tɔn nɔ a nyɛ Yesu nitiŋɛ ba naa maga nyɛn dooni.

1 Tɛs. 5:27 Marejeleo ya Msalaba

Mat. 26:63

Yesu fun moori. O fun ŋɔ un, “Mu daŋni i hɛɛsi Koosa naa nyɛn nan daharɛ a sɛm min wuti. I laata ya Koosa be, Kristo tii?”

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 19:13

Ju tim ta bɔnɛ yaa funɛ gbau a go a duŋni alizin tagna a li nara ni. Ba funɛ nu chenani Pɔɔl funɛ ya, wuzu digi ba fun ŋɔ alizin tagin ni, “Ya kpa Yesu naa Pɔɔl sɛm o wɛ chen, sɔnnɛ a ŋɔ hin di i li.”

Kɔl. 4:16

Ma wa karimi tɔn nɔ peti, ma kpa un a la nyɛ Yesu nitiŋɛ ba naa nyɛn Laodisia ni chen, chen ni ba gbanko zi karimi unu. Ba gbanko zi kpa tɔnu a nyɛ ma. Ma wa la un, ma karimi un nɛnɛ.

1 Tɛs. 2:11

Ya funɛ dɛɛsi ma a chi chenani nyama dɛɛsi ba bisa chen.

2 Tɛs. 3:14

Nandigi nyɛn dooni a vɛ daŋni o tiŋ chenani ya sɔbi tɔn nɔ nan, ma ta nyɛ o lagmi ma ni, chen ni o zi na hiisau.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

1 Tim. 5:21

Mu chiŋi Koosa awa Yesu Kristo awa o malaikasa naa o lisi suwachak ni, mu ŋɔ hinu di ii tiŋ mu biksi ŋɔ. Ta nyini digi a kaali digi.

1 Tim. 5:7

Kibiksi kin nama a nyɛ i nara ni, chen ni nandigi wa zi koti a nyɛ ba sɔn tagin.

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.