1 Tɛs. 5:21 - Tampulma

²¹ Ma nyini ba sɛma maga a nɛɛ a weru. A were ma kpak a.

1 Tɛs. 5:21 Marejeleo ya Msalaba

Luk 12:57

“Yɛrɛ ma titi vɛ lisi chenani were a tumi?

Jɔn 15:4

Hulsi ta vɛ baŋsi bugil pum ti bara ni, a wa kinɔn nɔna. Chen vɛɛna, ma wa min vɛ ya nibɛgim a nyɛni, ma wa kikoti a tum tum were a nyɛ min. Chendaha o lawa ma wa min ya nibɛgimu a nyɛn.

Jɔn 8:31

Doone Yesu fun ŋɔ ba, “Ma tiŋ mu biksi nɔ, ma waa la zi ya mu gantɛl tiŋ wutɛ.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

1 Kɔr. 2:11

Nibine siima zim o titi tuha lisi. Koosa siim weri ti duŋduŋ zim Koosa tuha lisi gbanko.

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Ɛfɛ. 5:10

Ma kpak un ma bambe ni a zaamsi ma tuma a nee a zi sɔɔni ya kunyan ti tuhau.

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

Filip. Tima 3:16

Ma nyɛ yaa tiŋ chenani ya piinsa tiŋ hali wa zinan.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

1 Tɛs. 5:22

Koosa siim weri ti kpok vɛ nyɛn ba sɛm ta ni, ma vɛ a.

2 Tɛs. 2:15

Mu niinbisa, chen daha, maa kpak nɛnɛ aa tiŋ wuti biksi naa ya fun biksi ma saha naa ya fun nyɛn ma wati awa chenani ya fun sɔbi tɔn ni a nyɛ ma.

2 Tim. 1:15

I zimu di ba naa maga funɛ nyɛn mu wati a li Azia pulum ni kaalu a ka min. Hali nara balɛ naa ba yir Figɛlus awa Hɛmɔjɛnis, ba gbanko funɛ kaaliu.

2 Tim. 3:6

Ba bɔnɛ la zu damsa a mur nihaana ba naa vɛ kpak nɛha. Ba banchisa la yaali ba tum tagna daha. Hali ba titi daŋnɛ la lɛrgi ba di ba ya chen.

2 Tim. 4:14

Machɛrɛ naa ba yir Alɛzanda chen funɛ muksi min kinkan. Ya kunyan ti zi wa di o tum tagna sɛriau.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.

JɔnN Deesi 3:11

Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.