1 Tɛs. 4:13 - Tampulma

¹³ Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

1 Tɛs. 4:13 Marejeleo ya Msalaba

Mat. 27:52

Hugilsa fun puk ka Koosa nara ba naa funɛ siti chen bɔnɛ si ba sou ni.

Jɔn 11:24

Marta fun ŋɔ un, “Mu zim di tɛɛnɛ nɔ maga siili saha wa tel, o zi si o sou niu.”

Tuma 13:36

Devid funɛ kpak miisa, o funɛ tiŋ Koosa nɔu hali a wa sou. Ba fun kpa un a sogli a dugli o nawaalsi ta hugilsa ka o fun pɔ,

Tuma 7:60

O fun gbiri a sɛm ta zaŋ ni, “Mu kunyana, gil ba tum tagna naa ba tum a du min ni nan a nyɛ ba.” O funɛ sɛm chene a sou.

Tuma 8:2

Nara ba naa yaa jɛɛmi Koosa, bɔnɛ funɛ wi kinkan Stivin daha a kpa un a sogli.

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

1 Kɔr. 10:1

Mu niinbisa, mu daŋni ma lisiu di Koosa dobaal funɛ kok Ju tim nawaalsa ba naa maga funɛ tiŋ Mosis saha digi. Ba maga funɛ val a gali ni sɛm ti niu a kaali.

1 Kɔr. 12:1

Mu niinbisa, ma gbanko funɛ sɔbi tɔnnɛ a pɛɛsi min papaha a naa Koosa funɛ nyɛ ma a li o siim weri ti ni chen wɛ. Mu daŋni ma zim a wutirɛ.

1 Kɔr. 15:6

Chen saha ti o nitiŋɛ tusugsa nyuu gbanko funɛ lagmi a na un. Ba nidamata ha vɛɛn nyɛn dooni, amaa bɔnɛ situ.

2 Kɔr. 1:8

Mu niinbisa, mu daŋni maa lisi chenani ba naa nyɛn Azia pulum ni, fun nyɛ ya na namsiu kinkan. Chen saha ti ya namsi funɛ zenu a kaali a maga. Hali ya fun lisi di ya zi sitiu.

Ɛfɛ. 2:12

Chen saha ti ma wa Yesu Kristo wa fun ya nibɛgim. Ma funɛ ya hɔɔrawa a vɛ lagmi Ju tima ba naa Koosa fun lisi a nyɛ o titi ni. Ba wa fun gur ma lagmi ba naa wa Koosa kpak nɔ bɛgim a li o vɔwɛ ta o fun kpa nyɛ ba chen. Chenani ma yaa nyɛn wuzu kam, ma wa fun zim Koosa a vɛ koti a kpak bambi bɛgim a li un ni.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

1 Tɛs. 4:14

Ya se su di Yesu funɛ sou ka Koosa lɛli un a li o sou ni. Chendaha ya se su di Koosa zi wa lɛli ba naa se funɛ su unu a sou a chi o funɛ lɛli Yesu chen. Saha naa o wa wa, o wa ba zi wa bur wau.

1 Tɛs. 4:15

Ya waa la biksi ma chenani ya kunyan ti fun a biksi ya. Wuzu digi ya kunyan ti zi wa bur wau. O wa wa, ya naa kpak miisa bɔnɛ wa zi wa te la a ka ba naa sowɛɛ.

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

1 Tɛs. 5:6

O wa werwa ya chɔ do a chi ba naa vɛ zim Yesu la chɔ do chen. Ma nyɛ ya si a si chiŋi a ta zɔɔli a chi ba naa nyɔ sin aa dɛɛsi.

2 Pita 3:4

a ŋɔ, “Ma kunyan ti wa fun vɔu di o zi bur wauu? Leene o ka? Saha naa Koosa fun naami tɛɛnɛ nɔ maga hali wa zinan, wu digi ha wa chɛrgi.”

2 Pita 3:8

Mu bi daŋnɛ, ma ta sugli di Koosa na wuzu bɛgimnɛ o chi bun tusuk bɛgimnɛ. O ka na bun tusuga o chi wuzu bɛgim.