1 Tɛs. 4:11 - Tampulma

¹¹ Ma kpaŋi ma titi aa tum ma tuma balimm. Ma ta zu ma dɔŋtima wɛ ni. Ma gbanko kidi ma bara wilim ni a chi chenani ya fun piin a biksi ma chen.

1 Tɛs. 4:11 Marejeleo ya Msalaba

Maak 13:34

O zi wa chi baal naa funɛ si di o la tɔ digi a biksi o tumtumsi maga tum naa ba zi tumu a ŋɔ o dam niili ni di o il o dam ti nɛnɛ a nyɛ un.

Tuma 18:3

Pɔɔl fun la nyɛn ba dam ni, domi o wa Akwila funɛ ya sela tɔna nikɔɔrɛwa.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Room 12:11

Ma ta ya zanyɛrka tima, amaa ma kpak se sɛm a tum a nyɛ ma kunyan ti ni saha maga.

Room 15:20

Mu funɛ kpaŋi mu titiu di mu ŋɔ nara ni Koosa laaboor weri ti wɛ doonani ba ha fun vɛɛn nu Kristo wɛ, chen ni mu fu wa zi tum doonani nandigi piin a piili.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

2 Kɔr. 5:9

Ya nyɛn bar nɔ koo ya duglɛ un a li Koosa tɔhɔn ti ni, o lawa ya kpak unu ya bambe ni o ya Koosa wa tu sɔɔna.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

1 Tim. 5:13

Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.

Tait. 3:14

Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.

1 Pita 3:4

Chenani ma bambe du kaali kin nama maga. Chendaha maa ya nihaan jɛrgɛ. Wuzu digi ma salma kin ta awa ma gar were ta zi wa chɔku, amaa ma ka ya jɛrgɛ, o wa zi chɔk. Chenani maga ma du Koosa wati kaali kin naa maga ma kpak.

1 Pita 4:15

Ma zimu di ma ta kpu nara a ta ŋmɛɛli a ta tum tum tagna a ta zu nara wɛ ni. O wa ya Koosa tutɔrɛ maa namsi kin nama daha.