1 Tɛs. 3:8 - Tampulma

⁸ Ma kpak kpok a kitiŋ ya kunyan ti nɛnɛ, ya bambe zi kpoku ma daha.

1 Tɛs. 3:8 Marejeleo ya Msalaba

Jɔn 15:4

Hulsi ta vɛ baŋsi bugil pum ti bara ni, a wa kinɔn nɔna. Chen vɛɛna, ma wa min vɛ ya nibɛgim a nyɛni, ma wa kikoti a tum tum were a nyɛ min. Chendaha o lawa ma wa min ya nibɛgimu a nyɛn.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Jɔn 8:31

Doone Yesu fun ŋɔ ba, “Ma tiŋ mu biksi nɔ, ma waa la zi ya mu gantɛl tiŋ wutɛ.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

1 Kɔr. 16:13

Ma se su Yesu. Chendaha ma il a kpak ma titi nɛnɛ awa bambi kpok ni.

Gal. 5:1

Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Filip. Tima 1:21

Mu nyɛni mun ya baŋa? O mun ya Kristo. Mu sowɛɛ, mu wa un zi nyɛnu. Chen bɔɛɛ.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 4:1

Mu niinbisa, mu yaa daŋni mau kinkan. Ma waa ya mu jirima nara aa nyɛ mu tuha sɔɔni saha maga. Mu bi daŋnɛ, mu daŋni mu ŋɔ mau chenani ma zi tiŋ ya kunyan, chen ni ma zi kpak unu nɛnɛ.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

1 Tɛs. 3:7

Mu niinbisa, hali ya nyɛn muksi ni a la namsi nan, ma si suuli nyɛ ya tusa sɔɔniu ma daha.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

2 Pita 3:17

Amaa, mu bi daŋnɛ, ma piin zim kin nama wɛu. Maa il a ta nyɛ nibiksɛ ba naa la chɔk Koosa laaboor weri ti, wa mur ma a burgi ma Koosa wuti tiŋi ni ma chel ma bar kpok ni.

JɔnN Deesi 3:11

Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.