1 Tɛs. 3:6 - Tampulma

⁶ Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

1 Tɛs. 3:6 Marejeleo ya Msalaba

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 18:1

Wuzu bilɛ wuzu, Pɔɔl fun li Atɛns ni a kaali tɔhɔn naa ba yir Kɔrint.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

1 Kɔr. 11:2

Mu pɛgi mau domi maa tiŋ biksi naa maga Koosa fun biksi min chen ka mu kpa un a biksi ma.

1 Kɔr. 13:13

Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Filip. Tima 1:8

Koosa ya mu sɛhɛra tiina di Yesu Kristo kpa o daŋni a nyɛ min mu daŋni ma kinkan.

Kɔl. 1:4

Ya funɛ nuu di ma se su Yesu Kristo a la daŋni Koosa nara nɛnɛ. Chendaha yaa zaami un chen.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 2:17

Mu niinbisa, ya waa wara, ba funɛ waligi yau a li ma ni, ya wa fun koti a na dɔŋa wuzu bilɛ. Amaa ya ha funɛ vɛɛn a lisi ma wɛu. Ma wɛ funɛ nyɛn ya bambe niu ka ya funɛ kpaŋi kinkan di ya wa na ma.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tɛs. 3:7

Mu niinbisa, hali ya nyɛn muksi ni a la namsi nan, ma si suuli nyɛ ya tusa sɔɔniu ma daha.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

2 Tim. 1:3

Min la tum Koosa tuma awa tuha bɛgim ni a chi chenani mu nawaalsa fun tum chen. Mu yaa sumi Koosa a la zaami un i daha nha awa dusum.

Faili. 1:5

Nibinsa yaa ŋɔ minu di i si su ya kunyan Yesu kinkan ka ii daŋni ba naa maga tiŋ Koosa nyinbaan. Chendaha mu ya chen.

Ju 13:3

Maa lisi ba naa ba fun kpa la tɔ dɛ a chi ma nyɛn ba watɛɛ dooni wɛ. Maa gbanko kilisi ba naa la na namsi a chi ma titi la na namsi wɛ.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.