1 Tɛs. 3:13 - Tampulma

¹³ Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

1 Tɛs. 3:13 Marejeleo ya Msalaba

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Maak 8:38

Zinan nara vɛ Koosirɛ kinkan a la tum tum tagna. Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisau a du un ni.”

Luk 1:6

O wa o haan ti funɛ ya nibin werewa aa tiŋ Koosa chiksɛ nɛnɛ.

Room 14:4

Anti ya ma ma koti a ŋɔ di nandigi tumtumna tum galimsau? O titi kunyana la zi zim di o chelu koo o wa chel. Ya kunyan ti zi chiŋi o tumtumsa gantɛl niu, chen ni ba wa zi chel.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

1 Kɔr. 15:23

Amaa ya kaa wa si ya sou ni nibɛgim bɛgimwa. Yesu funɛ ya naa funɛ te si. O wa bur wa, ba naa o dɔ chen gbanko zi wa siu.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

1 Tɛs. 2:19

Amaa ma duŋduŋ ya ya jirima nara a nyɛ ya tusa sɔɔni a nyɛ ya kpak bambi bɛgim, domi saha naa ya kunyan Yesu wa bur wa, ya zi wa a di nyusumu o suwachak ni ma daha.

1 Tɛs. 3:11

Ya kunyan Koosa awa ya kunyan Yesu wa nyɛ ya nyinbaan, ya zi wa ma watiu.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

1 Tɛs. 4:15

Ya waa la biksi ma chenani ya kunyan ti fun a biksi ya. Wuzu digi ya kunyan ti zi wa bur wau. O wa wa, ya naa kpak miisa bɔnɛ wa zi wa te la a ka ba naa sowɛɛ.

1 Tɛs. 4:17

O zi vaan lagmi ya naa kaɛɛ a kpak miisa, chen ni ya maga zi siu a la zini dobaala ni a la pu ya kunyan ti dooni a nyɛn o wati hali saha naa vɛ kpak bɔ.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

2 Tɛs. 2:1

Mu daŋni mu bu ŋɔ mau lalaknɔ saha naa ya kunyan Yesu wa bur wa ka ya wa un wa lagmi wɛ. Mu niinbisa, mu sumi mau di,

Jems 5:8

Ma gbanko kpak kanyita. Ma nyɛ ma bambe chiŋi bar bɛgim, domi wuzu naa ya kunyan ti zi wa bur wa, chen duglɛu.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

Juud 1:14

Baal digi funɛ nyɛn doon ba yir un Inɔk. O funɛ ya Adam bi lulɛ nidigirɛ a sɛm ba wɛ saha digi a ŋɔ, “Kina, Koosa wa o malaika damata wa wa,

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.