1 Tɛs. 3:12 - Tampulma

¹² Ya kunyan ti la zi suŋi ma maa daŋni dɔŋa kinkan awa nara maga a chi chenani yaa daŋni ma nan.

1 Tɛs. 3:12 Marejeleo ya Msalaba

Mat. 22:39

Nara sak un ni chi nan ni, ‘Maa daŋni dɔŋa a chi chenani maa daŋni ma titi.’

Mat. 7:12

“Ma tum wɛ were a nyɛ ma dɔŋtim ni a chi chenani maa daŋni ba tum kinyɛ ma. Ma kpa chenani Ju tim chiksɛ wa Koosa witinsa maga biksi nara a lagmi dɔŋ ni a mun chen.”

Luk 17:5

Doone Yesu nitumɛ ta digi fun ŋɔ un, “Ya daŋni chenani ya se su hin iiu a gbaari.”

Room 13:8

Ma ta pɛŋ nandigi kina, amaa maa daŋni dɔŋa saha maga. Nar la daŋni nibinsa, waa la tiŋ chenani Koosa chiksɛ ta maga biksi un.

2 Kɔr. 9:10

Koosa kpa kiduha aa nyɛ niparɛ ni di ba du, chen ni a zi nyɛ ba diweu. Chen vɛɛna, o yaa lisiu a li o kin ni a nyɛ ma a gbaari, chen ni ma zi kotiu a suŋi ma dɔŋtima.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

1 Tɛs. 2:8

Domi ya funɛ daŋni mau kinkan, o wa fun ya di Koosa laaboor weri ti duŋduŋnɛ ya funɛ daŋni ya kpa a nyɛ ma. Hali ya funɛ daŋni ya kpa ya titi miisarɛ a nyɛ ma.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

2 Pita 1:7

a ya nibin were ma dɔŋtima wati a kidaŋni ba.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.