1 Tɛs. 2:18 - Tampulma

¹⁸ O wa ya di bu bɛgimnɛ mu waa, Pɔɔl, funɛ kpaŋi di mu bur wa ma wati, amaa sintana funɛ tɔ ya nyinbaanu. Ya fun vɛ koti a waali.

1 Tɛs. 2:18 Marejeleo ya Msalaba

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

Room 15:22

Mu funɛ daŋni mu wa ma watɛɛ bu damata, amaa chenani mu biksi nara saha maga funɛ tɔ mu nyinbaan.

1 Kɔr. 16:21

Mu kpa mu ninne a sɔbi a zaami ma gbanko nan.

Filip. Tima 4:16

Mu funɛ nyɛn Tɛsalɔnika ni a daŋni kina, wuzu bilɛ bambaan ni ma fun kpa papaha a wa nyɛ min.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

2 Tɛs. 3:17

Min, Pɔɔl, zaami mau. Mu titi la sɔbi sɛm na. Mu tɔna maga ni nannɛ mu yaa sɔbi mu sɔn.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.