1 Tɛs. 2:16 - Tampulma

¹⁶ Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

1 Tɛs. 2:16 Marejeleo ya Msalaba

Mat. 12:45

O bukoo li a gba a dɛu o dɔŋtima alizin tagna kina nɔpɛ a kpa a a bur wa zu dooni. Alizin tagna nɔpɛ ta tum tagna kaali o tuma. Saha naa alizin tagin ti fun tum o tuma peti, chenani baal ti du fun bukoo tagini a kaali o piili ti ni. Nannɛ o zi wa du zinan nara ba naa la tum tum tagna ni.”

Mat. 23:32

Ma kpa min a peti chenani ma nawaalsi ta fun piili a chiŋsi.

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 24:6

Ma wa nu laal wɛ ka a duglɛ akoo bar nyɛni bol, ma ta ɔmi. Chen wa biksi di tɛɛnɛ nɔ maga siili ti saha duglɛu.

Mat. 3:12

O zi kpak o tundau di o tuk o mɛ a kpa a a du o zuŋkɔr ni, a kpa munzɔta a du din naa nara vɛ koti a dusi ni.”

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 14:5

Doone Ju tim ta, ba nihɛɛta awa ba naa vɛ ya Ju tima ka ba se vɛ suuli, fun si a la chem ba wa yo ni a pini buŋkula a yaksi ba.

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 19:9

Ba bɔnɛ bambe funɛ kpoku ka ba se vɛ su o sɛm ta. Ba fun sɛm wu tagna a du ya kunyan ti nyinbaan tiŋi ti ni a li nara tima maga suwachak ni. Pɔɔl funɛ nu chenani ba sɛm, o wa Yesu nitiŋɛ ta fun gil ba a la zu dɛ zen digi. Nibiksi naa ba yir Tiranus gbanko yaa funɛ biksi narau dooni. Wuzu kam Pɔɔl yaa funɛ biksi Yesu nitiŋɛ ta dooni ka ba lɛusi un.

Tuma 21:21

Nara funɛ ŋɔ ba chenani i yaa biksi Ju tima ba naa nyɛ ba se su ya kunyan ti ka ba nyɛn bar boli ni di ba ta bu tiŋ ba chiksɛ ta. I gbanko yaa biksi bau di ba ta bu teŋsi ba bisa a ta bu tiŋ ba nawaalsi ta nyinbaan.

Tuma 23:12

Chɔɔsa funɛ wa pisi, Ju tim ta bɔnɛ fun lagmi dɔŋ ni a vɔti nɔɔna a ŋɔ di ba vɛ kpu Pɔɔl, ba wa zi di diwe koo a nyɔ ni.

Tuma 24:9

Ju tim ba naa Tatolos fun chiŋi ba gantɛl ni a sɛm a nyɛ chen, fun ŋɔ di o sɛm ta ya wutirɛ.

Tuma 25:2

Koosa dam kɔkɔɔrsi ta awa tɔhɔn ti nihɛɛti ta funɛ nu di o wau, ba fun la fiksi Pɔɔl o suwachak ni,

Tuma 25:7

Pɔɔl funɛ zu dɛ ti, Ju tima ba naa funɛ li Jɛrusalɛm a wa, fun vaan go un a fiksi un a ŋɔ di o tum tum tagna damatiwa, amaa ba wa fun koti a biksi di chenani ba sɛm chen ya wutirɛ.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Tuma 9:23

Wuzu bilɛ gantɛl ni, Ju tim ta fun lagmi dɔŋ ni di ba zim chenani ba zi kpu un.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

Gal. 5:11

Mu niinbisa, mu biksi di o lawa ba teŋsi ba naa la tiŋ Yesu, yɛrɛ Ju tim ta ha vɛɛn a muksi min kinkan? Mu biksi nara nan ni, ba wa zi muksi min. Mu zi kotiu a biksi nara di Kristo funɛ sou a li o daakakli ti ni a ta na muksi.

Ɛfɛ. 3:13

Mu namsi bar nɔu ma daha, amaa mu wara daŋni ma tusa chɔk chen daha. Ma ka nyɛ mu namsi nɔ nyɛ ma jirima a nyɛ ma kpak bambe.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

2 Tɛs. 2:10

di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.

1 Tim. 2:4

domi o daŋni o yisi nara magwa a li ba tum tagna ni baa tiŋ un a wa zim o wuti ti.

Ju 6:8

Kɔha awa sɔta duŋduŋ nyu ya ni, ya ya yɔrirɛ. O wa zi vusi ka Koosa ŋɔ nɔ a nyɛ ya a kpa din a chɔk ya.

JɔnN Deesi 22:11

Chen saha ti wa tel, ba naa la tum tum tagna awa tum doŋa, ba zi tum au a gbaari. Ba naa ka la tum tum were, ba zi tum au a gbaari. Ba naa ya tu chaan tima gbanko tusa zi chaaniu a gbaari.”