1 Tɛs. 2:12 - Tampulma

¹² Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 2:12 Marejeleo ya Msalaba

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

1 Kɔr. 1:9

Koosa ya wuti tiina. O funɛ yir ma chen di o nyɛ ma wa o be Yesu Kristo ya chɛnsiwa.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Gal. 5:16

Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 2:6

Ma fun la nɔɔni di Yesu Kristo ya ma kunyana. Chendaha maa tiŋ un nɛnɛ.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

1 Tɛs. 4:12

Maa tiŋ nan ni, ba naa funɛ vɛ di se wa zi su Yesu chen, ba zi nyɛ ma jirimau. Ma wa zi nyini nandigi se ni di o nyɛ ma kundɔŋ.

1 Tɛs. 5:24

O waa naa funɛ yir ma di ma wa o wati, ya wuti tiina. Chendaha o zi kok ma.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

2 Pita 1:3

Waa funɛ yir ya di o wa ya bɔni o jirima awa o chaani kinkan awa chenani o bambi du a fun kpa o kpok awa kin naa maga ya daŋni a nyɛ ya, chen ni ya zi kotiu a tum tum were a tiŋ un nɛnɛ. O ya chene a li chenani ya zim un ni.

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.

3 Jɔn 1:6

Ba funɛ sɛm i wɛu a nyɛ Yesu nitiŋɛ ba naa nyɛn bar nɔ ni. Ba funɛ pɛgi hinu a li chenani ii daŋni ba ni. Ba wa saksi di ba li, i suŋi ba ba li nyinbaan ti ni nɛnɛ, chen ni i zi sɔɔni Koosa tuhau kinkan.