1 Pita 4:4 - Tampulma

⁴ O jɛri ba naa vɛ zim Koosau lalaknɔ di ma wa ba wa lagmi a tum ba tum tagna kinkan. Chendaha baa pini ma zoma.

1 Pita 4:4 Marejeleo ya Msalaba

Mat. 23:25

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya se tima.

Luk 15:13

Wuzu bilɛ wuzu bichɛl tiin ti fun kpa o tori ti a yogli, a fun kpa o malɛ a li dam ti ni. O funɛ gbau a kaali tɔ bar boli a la di o malɛ ta maga womsini.

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.

Tuma 18:6

Ju tim ta wa fun la nɔɔni a nu chenani o biksi ba chen a sɛm sɛm tagna a du un ni. Pɔɔl fun burgi o gantɛl a chak ba a ŋɔ ba, “Koosa na ma galimsa a ta ma yɔri a li ma nɛɛ. O wa li min ni. Saha nɔ kpa la n wa zi bu biksi ma. Mu ka zi la biksi ba naa vɛ ya Ju tim tau.”

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 3:16

Amaa ma doso a nyɛ ba jirima a ya jɛrgɛ ba wati. Ma kpak tuha kibɛgim awa Koosa ni, chen ni nara pini ma tum were a naa maa tum a nyɛ Kristo ni, zoma, hiisa zi kpak ba naa sɛm chenu.

2 Pita 2:12

Amaa nara nama chi sela zenewa a naa nyɛn dooni nara zi kpaksi a kpu. A wara lisi a chi nibinsa. Kin nawara ba vɛ zim a munwa, ba pini. Chendaha Koosa gbanko zi chɔk bau a chi sel na chɔk chen.

2 Pita 2:22

Chenani ba fun tum biksi ya di jɛɛgɛ ta ya wutirɛ. Ya ŋɔ, “Vaha yaa ok, a bur la di un. Kurchu naa ba sɔ ni, yaa bur a la chɔ vɛrɛ ni.”

Juud 1:10

Amaa nara nama pini kin nawara ba vɛ zimi zomwa. Tum naa baa tum a wa kpak nɛha a chi sela, a zi chɔk bau.