1 Pita 3:2 - Tampulma

² amaa ma tu chaana awa chenani ma nyɛ un jirima daha.

1 Pita 3:2 Marejeleo ya Msalaba

Ɛfɛ. 5:33

O gbanko biksi ya di nibaala kidaŋni ba haanasa a chi chenani baa daŋni ba titi ka nihaani ta kinyɛ ba baalasa wa jirima.

Ɛfɛ. 6:5

Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 3:20

Ya waa ka ya Koosa tɔhɔn ti nara. O nyɛn ya bambe niu di ya pɔ ya kunyan Yesu Kristo naa funɛ yisi ya a li ya tum tagna ni ya tiŋ un, o wa bur a li dooni a wa.

Kɔl. 3:22

Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

1 Pita 1:15

Waa ya tu chaan tiina. Chendaha o fun a lisi ma gbanko di ma kpak tu chaana a li ma tum maga ni a nyɛ un.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 3:1

Nihaana, ma gbanko kitiŋ ma baalasa nɔɔna, chen ni ba bɔnɛ se vɛ su Koosa laaboor weri ti, ba zi daŋni ba burgiu a tiŋ un chenani maa tum daha. Ba wa zi burgi a tiŋ un ma sɛm daha,

1 Pita 3:3

Ma ta daŋni ma vɔti ma nyuksa a kilaari salma kina awa gar were di ma di tula.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,