1 Pita 2:5 - Tampulma

⁵ Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Pita 2:5 Marejeleo ya Msalaba

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 3:9

Chenani Koosa dɔ ya chen, nyɛ ya wa un tum tuma. Waa dɔ ma gbanko. Ma chi o ŋmaharɛ oo kɔɔri, a chi o dɛ oo sa.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Filip. Tima 4:18

Ma papaha naa Ɛpafrodaitus fun kpa li ma wati, a mak chenani mu daŋni a kaali. Chenani ma fun ya nyɛ Koosa tuha sɔɔni kinkan. O chi Ju tim ta funɛ kpa sela a kɔɔri kɔɔra a nyɛ Koosa ni saha digi chene.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?

JɔnN Deesi 1:6

a vɔti ya koorsa a lisi ya di ya ya Koosa dam kɔkɔɔrsa di ya tum tuma a nyɛ o nyan Koosa ni. Yesu kpak jirima awa chaani wa kpok kinkan hali saha naa vɛ kpak bɔ. Ami.

JɔnN Deesi 20:6

Ba naa Kristo fun te lisi a lɛli ba a li ba sou ni, ba tusa zi sɔɔniu. Ba zi ya Koosa awa Kristo dam kɔkɔɔrsau ka ba wa un dɔ bun tusuga. Saha ti wa peti ka Koosa zi wa na ba naa kpalimi chen galimsa a ta ba yɔri, o wa zi wa la nɔɔni di o ya chen a nyɛ ba.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 5:10

I funɛ vɔti ba koorsa a lisi ba di ba ya Koosa dam kɔkɔɔrsa a tum tuma a nyɛ ya Koosa ni. Ba zi dɔ tɛɛnɛ nɔ tim magau.”