1 Pita 1:7 - Tampulma

⁷ Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

1 Pita 1:7 Marejeleo ya Msalaba

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Mat. 25:23

O kunyan ti fun ŋɔ un, ‘I kpaŋi i titiu. I gbanko ya nibin werire a la tum tum were. Mu funɛ kpa malɛ tamnɛ a du i nin ni. I wa min zi kpak tu sɔɔnau.’

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 17:30

N waa nibine be waali zi wa chi chen saharɛ.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Tuma 8:20

Pita fun ŋɔ un, “Kpa i malɛ kila. I wa kikoti a bɔ Koosa di o nyɛ hin kpok i kpa o siim weri ti a nyɛ nara ni.

Room 2:10

Ba naa ka la tum tum were zi wa la jirima awa chaani kinkan awa bara sɔɔnau. Ba naa ya Ju tima zi wa te la ka ba naa vɛ ya Ju tima ka zi la.

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 8:19

Kin naa maga Koosa fun naami chen, pɔ a la saha naa Koosa zi wa kpa o jirima awa o chaani kinkan a nyɛ o bisi ni a li gbampulim ni.

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Pita 2:4

Ma wa dugli ya kunyan ti wati. O chi buŋkul naa Koosa fun lisi di o ya kizen a li o dam ni, amaa nisalɛ funɛ vɛ unu a ta. O kpa o mi fali ti a nyɛ ma.

1 Pita 2:7

Waa ya nizen kinkan a li ba naa se su un ni. Amaa ba funɛ sɔbi ba naa vɛ un chen wɛu a li Koosa sɛm tɔn ti ni a ŋɔ, “Buŋkul naa nisalɛ vɛ a ŋɔ di o ya yɔrirɛ, waa ya buŋkul zen a kaali a maga.

1 Pita 4:12

Mu bi daŋnɛ, ma ta nyɛ o jɛri ma di ma namsi kinkannɛ lalaknɔ.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 3:18

Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.