1 Pita 1:3 - Tampulma

³ Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 1:3 Marejeleo ya Msalaba

Jɔn 1:13

Chenani ba yaa lul ba bichɛsa, o wa nyɛ ba ya Koosa bisa. O wa fun ya nibinsa tutɔrɛ di o burgi ba nyana. O ka ya o tutɔrɛ di o burgi ba nyana.

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

Room 8:24

Koosa funɛ yisi ya a li ya tum tagna ni, o fun nyɛ ya kpak bambi bɛgim di wuzu digi o zi wa ya chenu. Ya piin dɔ kundɔŋ, ya wa ya kpak bambi bɛgim un ni.

1 Kɔr. 13:13

Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

2 Kɔr. 1:3

Ma nyɛ ya pɛgi Koosa naa ya ya kunyan Yesu Kristo nyana. Waa ya siki tiina awa belimi tiina.

Gal. 6:16

Ba naa maga la lisi nan, Koosa zi kpak ba sikiu a kinyɛ ba bara sɔɔna. Ba waa ya Ju tima ba naa Koosa dɔ wuti ni.

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

Ɛfɛ. 1:3

Koosa naa ya ya kunyan Yesu Kristo nyana, waa funɛ kpa o papaha a naa nyɛn ya wa un bambaan ni a nyɛ ya, domi ya wa Yesu Kristo ya nibɛgimnɛ. Ma nyɛ ya pɛgi Koosa chenani o fun tum chen ni.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 2:4

Amaa Koosa daŋni ya kinkan a kpak ya siki hali a kaali a maga,

Ɛfɛ. 3:20

Koosa kpok naa nyɛn ya ni kote a nyɛ ya tum tuma a nyɛ un a kaali chenani ya vɛ lisi a ŋɔ un di o suŋi ya ya tum.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 4:13

Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

1 Pita 3:15

Ma nyɛ ma kunyan Kristo naa nyɛn ma ni, jirima. Waa ya tu chaan tiina. Nara pɛɛsi ma chenani ma kpak bambi bɛgim un ni, ma saksi a ŋɔ ba saha maga.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

1 Pita 3:5

Nihaana ba naa funɛ nyɛn saha digi chen, bɔnɛ fun tiŋ Koosa nyinbaan a kpak bambi bɛgim un ni a tiŋ ba baalasa nɔɔna. Chendaha ba fun a di tula o suwachak ni.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.

1 Jɔn 4:7

Mu chɛn daŋnɛ, ma nyɛ yaa daŋni dɔŋa. Daŋni li Koosa watɛɛ. Naa la daŋni o dɔŋtiina, waa ya Koosa be aa zim un.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.

1 Jɔn 5:4

Ba naa maga ya Koosa bisa ka ba se su un nɛnɛ zi nyaŋi ba tutɔ daŋnɛu.